Cho Gue-sung wa Koreya y’Epfo nyuma yo kunyeganyeza inshundura agatanga ibyishimo ku gihugu cye noneho yasariwe n’abakobwa bamwe barimo kumwisabira ngo abarongore

Cho Gue-sung ukomoka muri Koreya y’Epfo ngo arembejwe n’abakobwa uruhuri barimo kumusaba ko yabagira abagore ndetse ibi bije nyuma yo gutsinda ibitego by’ingenzi byafashije bikomeye igihugu cye.

Uyu mukinnyi Cho Gue-sung yatangiye gucyezwa cyane n’abiganjemo igitsina gore nyuma yo kugaragaza imikinire yo ku rwego rwo hejuru ndetse benshi bakavuga ko afite n’uburanga budasanzwe ndetse ibi byatumye ava ku bantu 20,000 bamukurikiraga kuri Instagram ye ashyitsa abamukurikira bagera kuri 1,600,000 kuva iki gikombe cy’isi cyatangira kuwa 20 ugushyingo 2022.

Uyu musore yatangaje ko yafashe umwanzuro wo kuzimya Telefoni ye igendanwa kuko ngo amerewe nabi n’abakobwa kandi ngo bagamije kumutesha umutwe bamusaba ko yababera umugabo mu gihe we ngo yifuza kurushaho gutekereza ibijyanye no guconga ruhago.


Uyu rutahizamu yagaragarije ubuhanga bwe ku mukino wabahuzaga na Ghana kuwa Mbere.

Uyu rutahizamu w’imyaka 24 y’amavuko nta mubano yari afitanye cyane n’abakobwa mbere y’uko igikombe cy’isi gitangira ndetse kuva yatsinda Ghana ubugira kabiri kuri uyu wa Mbere byatumye benshi batangira kumukurikira cyane kuri Instagram ye ndetse bamubwira ko bifuza ko yabarongora bakibanira.

Kuri ubu umwe mu banyamakuru b’inyaryenge yatangaje ko Telefoni y’uyu mukinnnyi ngo irara isona ijoro ryose ubwo aba ahamagarwa n’abakobwa banyuranye none ngo yahisemo kuyizimya kugirango arusheho kwitegura imikino iri imbere.

Abakobwa benshi barimo gutesha umutwe rutahizamu wa Koreya y’Epfo Cho Gue-sung bifuza ko yabarongora nyuma yo kumubwira ko afite impano n’uburanga bidasanzwe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.