Christopher yemeje ko afite umukunzi bamaranye imyaka 6 utari Martina

Umuhanzi Christopher yahakanye amakuru amaze iminsi avugwa ko akundana n’umunyamakurukazi Martina Abera, ahamya ko afite undi mukunzi bamaranye imyaka itandatu.

Mu mwaka ushize inkuru z’uko umuhanzi Christopher yaba ari mu rukundo n’umunyamakurukazi Martina Abera zaravuzwe cyane.

Abavugaga ibi bashingiraga ku kuba ku mbuga nkoranyambaga cyane Instagram buri umwe ashyira udutima ku mafoto y’undi, bikaba ari nk’amarenga y’urukundo.

Mu Kiganiro Breakfast With The Stars cya KISS FM, Christopher yavuze ko atigeze akundana na Martina ahubwo we ari inshuti ye isanzwe.

Ati “Ntabwo iyo nkuru ariyo ni inshuti yanjye bisanzwe nta birenze.”

Christopher yemeje ko afite umukobwa bakundana ndetse bamaranye igihe kinini gikabakaba imyaka itandatu.

Ati “Uretse uriya rwose naranabivuze ubushize nza hano, mfite umuntu dukundana. Tumaranye imyaka myinshi nk’itandatu.”

Uyu musore ukunzwe mu ndirimbo Nibido, yavuze ko ikintu yakundiye uyu mukunzi cyanatumye barambana harimo kuba ari umuntu uri “cool” utinyuka ibyo abantu batinyaga.

Ubwo yizihizaga isabukuru y’amavuko mu mwaka ushize, Christopher yerekanye amafoto agaragaza ko umukobwa bakundana yamufashije kuyizihiza ariko yirinda kugaragaza isura ye.

Chritopher yavuze ko uyu mwaka yiteguye gukora cyane haba indirimbo zirimo izo yakoranye n’abandi bahanzi ndetse mu Ukuboza arateganya kuzakora igitaramo kinini.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO