Makanyaga, Kibonke na Rusine mu gitaramo kimwe I Rubavu

Nyuma yaho ibikorwa bijyanye n’imyidagaduro bikomorewe mu Rwanda Umujyi wa Rubavu ni umwe yo mu Rwanda ikomeje kuberamo ibitaramo byinshi nyuma y’imyaka ibiri benshi mu bakundaga kuhidagadurira batahakandagiza ikirenge, ni muri urwo rwego kompanyi yitwa Igisubizo Entertaining Arts yateguye igitaramo kizamara iminsi ibiri cyiswe Kivu Cultural Festival.

Mu kiganiro n’umwe mu bateguye iki gitaramo yatangarije Genesisbizz ko bagiteguye mu rwego rwo kwishimana n’abanyarubavu muri iyi minsi abanyarwanda bitegura iminsi Mikuru ya Noheli ndetse n’umwaka mushya wa 2022.

Yakomeje atubwira ko impamvu bazagikora iminsi ibiri yikurikiranye ari uko hazaba harimo ibintu byinshi bitandukanye nk’urwenya, abahanzi ndetse n’ibindi byinshi byatuma abantu bishimana.

Yatubwiye ko muri iki gitaramo batumiyemo abanyarwenya bakunzwe cyane hano mu Rwanda Clapton Kibonge uzwi muri Filime y’uruhererekane ya Mugisha na Rusine aho azaba ari kumwe na Mugenzi we bakinana muri iyo filime, undi munyarwenya batumiye ni Seth wamenyekanye muzi Zuby Comedy.

Mu bandi bahanzi batumiye harimo Makanyaga Abdoul, Itsinda Rya The Same Abiru ry’I Rubavu, Kavurivundi Apple Gold, Aime Kabrain , Kiporo Group, itorero Inyamamare n’abandi.

Icyo gitaramo biteganyijwe ko kizaba tariki ya 12 na 13 Ukuboza, kikazabera mu nzu mberambyombi y’ahahoze kaminuza y’ubukerarugendo (UTB) guhera I saa kumi kugeza I saa ine z’ijoro aho kwinjira bizaba ari 3000Frw , 5000Frw na 7000Frw VVIP.
Biteganyijwe ko buri muntu wese uzitabira iki gitaramo asabwa kuba yafashe doze byibura imwe y’urukingo ndetse yanipimishije Covid-19.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO