Clarisse Karasira Ati “Nkunda u Rwanda ariko ibyo kuraza abageni muri Stade Simbishyigikiye”

Umuhanzi Clarisse Karasira kimwe n’abandi banyuranye berekanye amarangamutima yabo bavuga ko badashyigikiye igikorwa Police y’u Rwanda yakoze cyo kuraza abageni muri Stade ku munsi w’ubukwe bwabo.

Ku mbuga nkoranyambaga byumwihariko kuri Twitter habyukiye inkundura ya bamwe bavuga ku bantu baheruka kurenga ku mabwiriza yo kwirinda Covid-19 bagakora ubukwe barengeje umubare w’abantu bagenwe bikaza kurangira barajwe muri Stade.

Ibi bintu ntabwo byagiye bivugwaho rumwe dore ko hari abatangajeko bagahawe ikindi gihano cyangwa se bakajyanwa muri Stade hatitabajwe itangazamakuru ngo byerekwe igihugu cyose.

Umuhanzi Clarisse Karasira nawe ni umwe mu bagize icyo babivugaho.

Abinyujije ku rubuga rwe rwa Facebook yagize ati “Intego ni ukubaka u Rwanda. Nkunda u Rwanda rwacu ariko ibi SIMBISHYIGIKIYE! Ngenda henshi mbona mu masoko , mu ma gare ,mu nzira.... Abantu BACUCITSE ndetse rimwe na rimwe na police yacu ibahagaze impande (Ariko abageni batarenze...).

Hari insengero zujuje ibisabwa zijya zacyira abantu nk’100...Ariko UBUKWE,ABAGENI sinzi impamvu! (Ibaze abantu 20 ni bo bemewe mu bukwe na bo mu rusengero gusa, na bwo bwacya urwo rusengero rugasengerwamo abantu 100 kuzamura).

Mu ma hoteli na Restaurant haba harimo abantu BENSHI, ikibazo se ni uko bariya ari ABAGENI? None abageni ni ukubicira umunsi w’amateka mu buzima bwabo, imbere y’itangazamakuru!..

Sinshyigikiye ko abantu barenga ku mabwiriza yo kwirinda iyo kovidi ariko ntekereza ko gukorera nk’ibi abageni ari ukurengera, ahubwo hagashatswe ubundi buryo bahanwa butari ubu kweri! Tekereza uru rwibutso aba bazahorana iteka no mu bazabakomokaho!.”
Turabakunda Rwanda Police twubaha akazi mudahwema kudukorera, ariko aka katubabaje."

Intego ni ukubaka u Rwanda. Nkunda u Rwanda rwacu ariko ibi SIMBISHYIGIKIYE! Ngenda henshi mbona mu masoko , mu ma gare...

Posted by Clarisse Karasira on Monday, April 5, 2021

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO