Clarisse Karasira n’umugabo we bashobora kuzajya gutura muri Philippines

Umuhanzi Clarisse Karasira n’umugabo we Ifashabayo Sylvain Dejoie baheruka gukorana ubukwe bashobora kuzajya gutura mu gihugu cya Philippines giherereye mu majyepfo y’iburasirazuba bwa Asia.

Taliki ya 1 Gucurasi 2021 wari umunsi w’amateka kuri aba bombi ubwo bajyaga gusezerana imbere y’Imana mu rusengero rwa Christian Life Assembly [CLA].

Nyuma y’uwo muhango w’ubukwe bwabo Clarisse Karasira yanditse kuri Instagram ashima Imana, mu magambo make ati “Yadukoreye ibikomeye natwe turashima.”

Mbere y’ubukwe bwabo byagiye bivugwa ko nibamara gusezerana bashobora kuzajya gutura muri Leta Zunze Ubumwe z’Amerika kuko Ifashabayo Sylvain ariho yize kandi yanahabaye igihe.

Gusa amakuru yizewe agera kuri Genesisbizz ava mu nshuti z’uyu muryango ni uko bafite gahunda yo kuzajya gutura muri Philippines.

Ati “Gahunda bafite ni iyo kujya kwibera muri icyo gihugu gusa sibarashyiraho akadomo neza ariko biri muri gahunda keretse habayeho gutungurana.”

Ifashabayo warongoye Karasira yize muri Ghana no muri Leta Zunze Ubumwe z’Amerika, ni umwe mu bateguraga ibitaramo byiswe Umurage Nyawo byo kwibuka Kamaliza na Minani Rwema.

Uyu musore w’imyaka 27 ni umuhanga cyane, byamufashije kuba umwizerwa mu bantu bakomeye mu gihugu ndetse yagiye aba mu bayobozi ba Diaspora z’ibihugu yabayemo, ibintu byafashije na Clarisse Karasira mu buryo bumwe cyangwa ubundi.

Karasira avuga ko Imana yamukoreye ibikomeye nawe ayishima

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO