Clarisse ari hafi kwibaruka umwana w’imfura

Clarisse Karasira na Ifashabayo Sylvain Dejoie baherutse kurushinga, baritegura kwibaruka umwana wabo w’imfura w’umuhungu.

Yavuze ko we n’umugabo batari bemeza umubare runaka w’abana bateganya kubyara, gusa avuga ko batifuza kubyara abana benshi.

Clarisse Karasira yavuze ko bagiye gufata inshingano y’icyubahiro yo kurera no kuba ababyeyi muri ubu buzima.

Abanyarwanda batuye muri Amerika baherutse gukorera Karasira n’umugabo we ibirori byo kwitegura umwana (Baby Shower), byakozwe bigizwemo uruhare n’abanyamuryango ba Diaspora ya Maine. Abari ku ruhembe rw’iki gikorwa bari barimo Naomi Lincoln, Divine Irakoze uzwi nka Mama Igor, Honorine Gihozo na Micky Sindayigaya.

Uyu muhanzi kandi yavuze ko atigeze agorwa no gutwita ku buryo bitamubujije gukora ibikorwa bya muzika bitandukanye, kandi akaba yiteguye kurera no kuzakomeza gukora umuziki nta nkomyi.

Clarisse Karasira yarushinze na Ifashabayo Sylvain Dejoie, mu muhango wabereye kuri Christian Life Assembly (CLA), urusengero ruherereye i Nyarutarama mu Mujyi wa Kigali tariki 01 Gicurasi 2021.

Ubukwe bwabo bwitabiriwe n’abantu 20 mu rwego rwo kubahiriza amabwiriza yo kwirinda COVID-19. Umuhanzikazi Liza Kamikazi wamamaye mu muziki niwe wari ‘Marraine’ wa Clarisse Karasira.

Clarisse Karasira na Ifashabayo bahuye mu 2017, mu gitaramo cyo kwibuka umuhanzikazi Kamaliza.



Clarisse Karasira aritegura kubyara umwana we w’imfura

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO