Coach Liz umutoza mushya wa Patriots yatangaje impamvu yatumye atoza abagabo ari umugore.

Umutoza mushya wungirirje wa Patriots witwa Liz Mills bakunze kwita Coach Liz ukomoka mu gihugu cya Australia watangiye imirimo ye mishya yo gutoza Patriots BBC, yatangaje ko imbogamizi ashobora guhura nazo atoza abagore ntaho zitandukaniye n’izo yahura nazo atoza abagabo.

Abazwa ku mbogamizi ahura nazo mu gutoza abagabo kandi ari umugore, Coach Liz yatangaje ko ntahantu bitandukaniye nizo ashobora guhura nazo mu gihe yaba atoza abagore.

Ati: “Umukino wa Basketball niko uteye ntekereza ko igihe cyose iyo utoza abagore cyangwa abagabo uhura n’ibintu bisa, ingorane zisa gusa ku bwanjye abagabo nibo numva niyumvamo mu gutoza cyane, rero navuga ko nagize amahirwe akomeye yo gutoza abagabo nk’umugore w’umutoza navuga ko imbogamizi abandi wenda bashobora kuba bagira njye ntazo ndahura nazo.”

Avuga kuri Patriots yagezemo nk’umutoza wungirije yatangaje ko ari ikipe nziza bazafatanya kuzamura urwego rwabo, ngo kuko asanga ifite abakinnyi beza bafite ikinyabupfura ndetse banumvira abatoza.

Ati: “Nishimiye cyane gukorana na Patriots, icya mbere bafite abakinnyi beza bafite imico myiza bameze neza kandi banumvira ibyo umutoza abaha kandi ndatekereza ko iyo uri umutoza ibyo nibyo uba ukeneye. Bafite impano bagize umwaka mwiza w’imikino utambutse, ndizera ko tuzafatanya neza tukagera ku rwego nk’urwabandi.”

Coach Liz Mill ukomoka mu gihugu cya Australia, yanyuze mu makipe mesnhi atandukanye cyane cyane yok u mugabane w’Afurika. Yatangiye umwuga wo gutoza afite imyaka 17 y’amavuko.

Uyu mutoza avuga ko umuntu areberaho cyane mu gutoza ari umugore mugenzi we wungirije mu ikipe ya Sun Antonio Spurs yo muri Amerika ikina NBA witwa Becky Hammon ngo kuko ari mu bagore bazamuye urwego rwabo cyane ku isi bakabigaragaza batoza amakipe akomeye muri NBA.

Coach Liz yaciye mu makipe atandukanye, yabaye umutoza wungirije w’igihugu cya Cameroon ndetse na Zambia, yanabaye umutoza Metero nayo yo muri Zambia ndetse n’andi makipe yo muri Africa.

Kuri ubu uyu mugore yungirije Francis Odhiambo bakunze kwita T9 ukomoka mu gihugu cya Kenya, bakaba bazafatanya gutoza Patriots BBC mu mikino ya Bal iteganyijwe kubera mu Rwanda kuva ku wa 17 Ukuboza 2019 muri Kigali Arena.

Genesisbizz

Related Articles

TANGA IGITEKEREZO