Cristiano Ronaldo abafana batangiye kumwituniraho nyuma yo guterwa uw’inyuma n’amakipe yifuzaga kwerekezamo

Abafana ba Athletico Madrid bamaze gutangaza ko batifuza kubona Cristiano Ronaldo na rimwe aza mu ikipe yabo nyuma y’aho amaze iminsi avugwa mu ikipe ya Athletico Madrid gusa nyuma bikaza guhinyuzwa na perezida w’iyi kipe.

Kizigenza Cristiano Ronaldo kuri ubu akomeje kugarukwaho mu bitangazamakuru nyuma yo kugaragaza ko atifuza kuguma mu ikipe ya Manchester United kubera itazakina Champions League.

Gusa ikibabaje nubwo uyu mukinnyi avuga ibi amakipe atandukanye yavugwagamo yose yaramubenze yaba Chelsea, Bayern Munich hamwe na Athletico Madrid.

Ibintu byarushijeho gufata indi sura nyuma y’aho abafana ba Athletico Madrid batangaje ko batifuza Cristiano kubera ko yagiye akunda kubatenguha akabatsinda ibitego bigatuma babura amahirwe yo gutwara ibikombe bikomeye.

Mu minsi ishize umuyobozi wa Atletico Madrid yatangaje ko ibyo kugura CR7 ari ibihuha ndetse mu kubishimangira avuga ko bidashoboka.

Amakuru agezweho aravuga ko ikipe ya United yamaze kumvikana na Ronaldo ko yongera amasezerano hanyuma agatizwa mu ikipe izakina Champions League umwaka umwe akabona kugaruka.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO