Cristiano Ronaldo akomeje kuba intare nyuma yo kugirwa umukinnyi mwiza w’umwaka muri Manchester United

Kizigenza Cristiano Ronaldo yamaze gutorwa nk’umukinnyi mwiza w’umwaka ndetse anagirwa n’umukinnyi watsinze igitego cyiza muri uyu mwaka w’imikino mu ikipe ya Manchester United.

Uyu mugabo w’imyaka 37 y’amavuko yagarukanye imbaduko mu ikipe ya Manchester United aho muri uyu mwaka w’imikino yabashije gutsindira ikipe ye ibitego 24 mu marushanwa yose.


Uyu mugabo igitego cya mbere yatsinze ikipe ya Tottenham ubwo bayitsindaga ibitego 3-2 cyaje gutorwa nk’igitego cyiza kurusha ibindi aho cyatowe n’abafana b’ikipe ya Manchester United.

Uyu mugabo yamaze gushyiraho agahigo ko gutorerwa kuba umukinnyi mwiza w’umwaka muri Manchester United nyuma yo kubitorerwa ubugira kane.

ubwa mbere Cristiano Ronaldo yabaye umukinnyi mwiza w’umwaka wa Manchester United mu mwaka w’imikino wa 2003/2004, yabisubiye kandi 2006/2007, yongera kubikora 2007/2008 ndetse n’ubu yongeye gusubiramo aka gahigo muri uyu mwaka w’imikino 2021/2022 bituma aba umukinnyi wa mbere ubikoze inshuro 4 mu ikipe ya Manchester United.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO