Cristiano Ronaldo arasabwa kwishyura akayabo kugirango dosiye imushinja gufata ku ngufu ishyingurwe

Cristiano Ronaldo utari mu bihe bye byiza mu ikipe ya Manchester United ubu yibasiwe n’umunyamidelikazi umushinja kumukoresha imibonano mpuzabitsina ku gahato aho yifuza kwishyurwa akayabo ka miliyoni 54 z’Amayero kugirango dosiye y’ikirego ishyingurwe.

Umunyamidelikazi Kathryn Mayorga arasaba guhabwa indishyi za miliyoni 54 z’Amayero nyuma yo gutangaza ko yakoreshejwe imibonano mpuzabitsina ku gahato na Cristiano Ronaldo.

Uyu mugore w’imyaka 36 avuga ko yafashwe ku ngufu mu cyumba cya hoteli y’i Las Vegas bikozwe na Ronaldo w’imyaka 37 icyo gihe hari mu mwaka wa 2009.

Nyuma y’iki gikorwa ngo Ronaldo yamwemereye guhabwa akayabo k’Amayero £275,000 (335,737,516 RWF) ndetse yemera no gusinya amasezerano y’ubwumvikane gusa bikorwa mu buryo bwa huti huti.

Abunganira Mayorga bavuga ko yemeye gusinya aya masezerano avuga ko ibyabaye hagati ye na Cristiano babyumvikanye bitewe n’igitsure yashyizweho no kumutera ubwoba.

Nyir’ubwite Cristiano Ronaldo yavuze ko umubano we na Mayorga utabemereraga kuba bagera ku bikorwa byo kuryamana ndetse avuga ko atigeze agambirira kumugirira nabi.

Ronaldo ahakana yivuye inyuma ibyaha aregwa na Mayorga

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO