Cristiano Ronaldo atanze igisubizo gikomye kijyanye n’ahazaza he mu ikipe ya Manchester United

Umunya-Portugal w’imyaka 37 y’amavuko ariwe Cristiano Ronaldo Dos Santos Aveiro yamaze gutangaza ko yishimye bikomeye mu ikipe ya Manchester United ndetse avuga ko hari byinshi yiringiye agomba kuzageranaho n’iyi kipe mu myaka iri imbere.

Cristiano yagarutse mu ikipe ya Manchester United mu mpeshyi y’umwaka ushize nyuma yo kumara imyaka igera kuri 12 avuye muri iyi kipe dore ko yayivuyemo mu mwaka wa 2009 akerekeza mu ikipe ya Real Madrid ibarizwa mu gihugu cya Espagne.

Magingo aya uyu mugabo w’imyaka 37 y’amavuko yatsindiye ikipe ya Manchester United ibitego 24 mu mukino yose yakiniye iyi kipe muri uyu mwaka wose w’imikino ndetse bituma ariwe mukinnyi uza ku isonga watsindiye iyi kipe ibitego byinshi muri uyu mwaka w’imikino ushize.

Gusa nubwo yakoresheje imbaraga nyinshi ngo afashe ikipe ye uyu mukinnyi ntabwo yigeze afasha ibidasanzwe ikipe ye dore ko yarangije ku mwanya wa gatandatu ndetse ikananirwa kubona itike yayerekeza muri Champions League ndetse ukaba ari n’umwaka wa gatanu ikipe ya Manchester United imaze itazi gukora ku gikombe icyo ari cyo cyose uko bisa.

Gusa mu kiganiro yagiranye n’itangazamakuru uyu mugabo yatangaje ko kuri we yishimye cyane mu ikipe ya Manchester United ndetse ko yishimira uburyo afashamo ikipe ye ndetse akomeza avuga ko kugeza ubu yishimiye kuba ari muri iyi kipe ndetse akaba yiteguye gukorana neza n’umutoza mushya Erik Ten Hag.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO