Cristiano Ronaldo imbere ya Camera yatanze ubutumwa bukomeye

Nyuma yo kunengwa na bamwe ko ashaje kizigenza Cristiano Ronaldo yatanze ubutumwa bukomeye yongera kwibutsa abakunzi ba Manchester United ko agifite imbaraga nyuma yo gufasha ikipe ye gutsinda umukino wo mu ijoro ryakeye.

Uyu mugabo wamaze kuzuza imyaka 37 y’amavuko yahamije ko atarasaza nyuma yo gutsinda igitego mu bitego 3-0 ikipe ya Manchester United yatsinze muri shampiyona y’Ubwongereza itsinda ikipe ya Brentford.

Uyu mukinnyi ukomoka mu gihugu cya Portugal yaraye atsinze igitego cya 24 mu mikino yose amaze gukinira iyi kipe muri uyu mwaka ndetse kikaba igitego cya 18 atsinze muri shampiyona y’Ubwongereza (Premier League).

Kuri ubu Cristiano Ronaldo abenshi bakomeje kwibaza ku kazoza ke muri iyi kipe dore ko ashigaje amasezerano y’umwaka umwe muri iyi kipe gusa harakibazwa niba ari muri gahunda z’umutoza mushya Erik Ten Hag.

Uyu mukinnyi Cristiano Ronaldo nyuma yo gutsinda igitego kuri Penaliti yagiye imbere ya Camera maze abwira abakunzi ba Manchester United ati" Ntabwo narangiye.

Kuri ubu ikipe ya Manchester United ikizere cyo kuza mu makipe ane ya mbere ashobora gukina Champions League Kimaze kuyoyoka nyuma y’aho ikipe ya Arsenal na Tottenham zikomeje kwitwara neza.

Reba uburyo Cristiano Ronaldo yatsinze penaliti

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO