Cristiano Ronaldo mu magambo yuje urukundo rwinshi yasezeye kuri Marcelo babanye igihe kinini i Madrid

Cristiano Ronaldo yerekanye amarangamutima menshi ubwo yasezeraga ku nshuti ye Marcelo babanye bakanakinana muri Real Madrid.

Nk’uko bigaragara ku magambo yanditse ku rukuta rwe rwa Instagram yagize ati:" Urenze kuba umukinnyi twakinanye, uri umuvandimwe umukino w’umupira w’amaguru wampaye, Yaba mu kibuga no hanze yacyo, uri umwe mu byamamare nishimiye gusangira urwambariro rumwe nabyo, Nkwifurije guhirwa mu rugendo rushya utangiye, Marcelo!"

Mu kugira icyo avuga kuri aya magambo ya Cristiano, Marcelo yagize ati:" Sintekereza ko ndi igitangaza, Gusa ndi umuntu wishimira buri kanya kose k’ubuzima bwanjye, Nagize amahirwe yo kuyobora ikipe nka kapiteni ndetse no kwegukana igikombe mbere y’uko nsezerera ikipe,"

"Bisa nk’aho umukino wa nyuma wacaga amarenga yo gusezera gusa sinari kubikora ntegukanye igikombe cya gatanu cya Champions League yashyize umusozo kubihe byiza twagiranye."

Byitezwe ko Marcelo w’imyaka 34 asubira iwabo muri Brazil igihe amasezerano yari afite arangirana n’impera z’uku kwezi akava muri Real Madrid.

Mu kiganiro n’itangazamakuru, Marcelo yagize ati:" Sintekereza byinshi ku hazaza,
Iteka mbaho mu ndagihe, Biragoye cyane gusezerera ikipe wahaye ubuzima bwawe bwose, wagiriyemo ibyishimo, ugakoreramo imyitozo, ukayiha buri kimwe cyawe."




Marcelo (uteruye igikombe) yagiriye ibihe byiza i Madrid

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO