Cristiano Ronaldo yamaze gutangaza ku kazoza ke mu ikipe y’igihugu ya Portugal

Uyu mukinnyi ufatwa na bamwe nk’uwambere ku isi kuri ubu afite imyaka 37 y’amavuko yatangaje ko ariwe wenyine ukwiye kuzifatira icyemezo kijyanye n’ahazaza he mu ikipe y’igihugu ya Portugal.

Mu gihe bakomeje kuvuga ko imyaka ikomeje kumusiga ndetse akaba atangiye kunanirwa ku myaka ye 37 ndetse bamwe bakavuga ko akwiye guharira abakiri bato by’umwihariko mu ikipe y’igihugu ya Portugal, Cristiano Ronaldo yatangaje ko ariwe ukwiye kwifatira icyemezo kuhazaza he mu ikipe y’igihugu.

Yagize ati ’’ Ni njyewe uzafata icyemezo ku hazaza hanjye nta wundi kuko ninumva nakina indi mikino nzakina, ni numva kandi ntazakina sinzayikina nzafata icyemezo mbishatse.

Cristiano Ronaldo amaze gukinira Portugal imikino 186 aho amaze kuyitsindira ibitego 115, ndetse mu ijoro ryakeye we na Portugal ye baraye bakinnye umukino wa nyuma wa kamarampaka n’ikipe ya North Macedonia.

Muri uyu mukino babashije no kuyinyabika ibitego 2-0 byombi byatsinzwe na Bruno Fernandez ukinira ikipe ya Manchester United mu gihugu cy’Ubwongereza ndetse ikipe y’igihugu ya Portugal ikaba yamaze gukatisha itike yo kujya mu gikombe cy’isi giteganyijwe kubera muri Qatar muri uyu mwaka wa 2022.

Benshi bemeza ko nyuma y’igikombe cy’isi bishoboka cyane ko Cristiano Roanaldo ashobora guhita asezera mu ikipe y’igihugu ya Portugal.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO