Kuba Mbappe yaragizwe Kapiteni w’u Bufaransa bishobora gutuma hari umukinnyi...
- 24/03/2023 saa 06:46
Cristiano Ronaldo yasezeye Juventus, Indege iramwerekeza muri imwe mu ma kipe y’I Manchester
- by
- 27/08/2021 saa 13:50
Rutahizamu ukomoka muri Portugal wakiniraga ikipe ya Juventus mu Butaliyani, Cristiano Ronaldo yamaze gusezera ku bakinnyi bagenzi be aho bivugwa ko yerekeje mu Bwongereza mu ikipe ya Manchester City, andi makuru akamwerekeza mu ikipe yahozemo ya Manchester United.
Kuri uyu wa Gatanu tariki ya 27 Kanama 2021, uyu mukinnyi w’imyaka 36 yagiye ku kibuga cy’imyitozo cy’iyi kipe ya Juventus cya Continassa, akaba yahamaze isaha n’igice asezera abakinnyi mbere y’uko batangira imyitozo.
Uyu mukinnyi akaba agiye kwerekeza muri Manchester nk’uko Sky ibitangaza ko umuhagarariye, Jorge Mendes yabwiye iyi kipe ko umukiriya we atakifuza gukinira Juventus. Gusa kugeza n’ubu biracyari urujijo ikipe ari bwerekezemo hagati ya Manchester United ndetse na Manchester City, n’ubwo amakuru menshi amwerekeza muri Manchester City.
Uyu rutahizamu wari usigaranye umwaka umwe w’imikino muri Juventus, iramwifuzamo miliyoni 25 z’amayero.
Juventus ntabwo irakira ubusabe bwa Manchester City buvuga ko yifuza uyu mukinnyi ariko amakuru ahari ni uko mbere y’uko isoko ryo kugura abakinnyi rifunga ku wa Kabiri w’icyumweru gitaha azaba yamaze gusinyira iyi kipe ibarizwa mu mujyi wa Manchester.
Manchester City yiteguye gusinyisha uyu mukinnyi amasezerano y’imyaka 2 aho azajya yishyurwa miliyoni 15 z’Amayero ku mwaka.
Umutoza wa Manchester United we yamaramaje kugarura umwana mu rugo, yabwiye ikinyamakuru DailyMail ko ari bukore ibishoboka byose umukinnyi Cristiano ntagire indi kipe ajyamo.
Ronaldo yinjiye muri Juventus mu mwaka wa 2018 avuye muri Real Madrid kuri miliyoni 105 z’amapawundi, yayitsindiye ibitego 101 mu mikino 134, batwaranye ibikombe 2 bya shampiyona, igikombe cya Copa Italia ndetse na bibiri bya Super Cup.
Ole arashaka kugarura umwana mu rugo
Related Articles
