Cyera kabaye ikipe ya Arsenal yamaze gusinyisha undi mukinnyi mushya

Ikipe ya Arsenal yamaze kugura umukinnyi mushya uturutse mu ikipe ya FC Porto yo mu gihugu cya Portugal ndetse Arsenal yamaze kugura uyu mukinnyi amafaranga asaga Miliyoni 34 z’amapawundi ndetse hakaba hagomba kwiyongeraho amafaranga agera kuri Miliyoni hafi 5 z’agahimbazamusyi.

Uyu mukinnyi witwa Fabio Vieira yitezweho kuza gukomeza hagati mu kibuga mu ikipe ya Arsenal aho agiye gufatanya n’abandi bakinnyi barimo Granit Xhaka,Thomas Partey ndetse na Mohammed Elniney.


Uyu mukinnyi yakunze kwigaragaza cyane mu ikipe y’abatarengeje imyaka 21 ya Portugal ndetse yakunze kwigaragaza cyane nk’umukinnyi ufite imikinire myiza cyane cyane mu kibuga hagati mu bijyanye no guhuza umukino.

Byitezweko uyu mukinnyi agomba kwifashishwa mu mikino ibanziriza shampiyona y’Ubwongereza ndetse akaba anitezweho kugira uruhare mu guhuza imikinire y’ikipe ya Arsenal bijyanye no kuyifasha kubaka umukino hagati ye n’abandi bakinnyi.

Magingo aya ikipe ya Arsenal ikomeje gushakisha abakinnyi batandukanye bagomba kwifashishwa mu mwaka utaha w’imikino ndetse kuri ubu iyi kipe itozwa n’umutoza Mikel Artetaikomeje gushakisha abakinnyi cyane cyane bataha izamu barimo Gabriel Jesus,Victor Osimhen ndetse n’abandi batandukanye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO