Cyprus: havumbuwe ubwoko bushya bwa covid-19 yihinduranyije bwitwa Deltacron

Hashize iminsi mike isi yose ihuye n’ubwihindurize bwa covid-19 yiswe Omicron yagaragaye bwa mbere mu bihugu bya Afurika y’epfo, Nyuma y’iminsi mike humvikanye ubundi bwihindurize bwiswe IHU bwagaragaye mu Bufaransa. Nyuma y’iminsi mike muri Cyprus hagaragaye ubwoko bushya bwa covid-19 bwiswe Deltacron.

Ubu bwoko bushya bwa covid-19 yihinduranyije bwiswe Deltacron, bwifitemo imiterere ya Delta na Omicron nk’uko byumvikana mu izina ryayo.

Amakuru y’ubu bwoko bushya bwa virusi ya Covid-19 yitwa Deltacron, yatangajwe bwa mbere na porofeseri Leondios Kostrikis, Uyu akaba yigisha muri kaminuza ya Cyprus mu ishami rya siyansi yiga urusobe rw’ibinyabuzima .

Kugeza ubwo twateguraga iyi nkuru, porofeseri Leondios n’ikipe ye bari bamaze gutahura iyi virusi mu bantu basaga 25.

Impamvu yo kuyita Deltacron, porofeseri Leondios avuga ko ngo biterwa n’imiterere iyi virusi ifite aho yifitemo uturemangingo dukomatanyije dusa nk’utwa Delta na Omicron.

Ishami ry’umuryango w’abibumbye ryita ku buzima ntacyo riratangaza kuri ubu bwoko bushya bwa covid-19 bwiswe Deltacron, Ndetse ntakindi gihugu kiratangaza ko gifite abantu bagaragayeho Deltacron kuva igihe twateguraga iyi nkuru.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO