Cyusa Ibrahim yakoreye Nyina indirimbo amushimira Ubutwari yagize

Cyusa Ibrahim uri mu bahanzi bakunzwe mu njyana ya Gakondo yasohoye indirimbo nshya yise ‘Mama’. Aho aba akeza Nyina wamureze akaba amaze gukura.

Mu kiganiro kigufi yahaye GENESISBIZZ yadutangarije byinshi kuri iyi ndirimbo ye nshya yise Mama avuga ko yayituye ababyeyi bose.

Ati "Ni indirimbo natuye ababyeyi bose ariko cyane navugaga ku butwari bw’abagore bagira mu buzima bw’umwana kuva akivuka kugeza akuze, ibintu benshi muri iki gihe basigaye bahuza n’izindi nshingano, aho usanga bamwe aribo ba papa na Mama mu gihe kimwe ugasanga bahura n’ingorane nyinshi cyane mu kurera abana babo."

Tumubajije niba ibyo yaririmbye byaba hari aho bihuriye n’ubuzima bwe busanzwe, yavuze ko aribyo kuko ngo yayitekereje agendeye ku butwari Nyina yamweretse.

Ati “Rwose cyane iyi ndirimbo nayikomoye ku butwari Mama yanyeretse nyuma ya Jenoside yakorewe abatutsi igatwara Umubyei wanjye w’Umugabo(Papa) bigatuma Mama afata inshingano ze akaturera n’abavandimwe banjye twese tukaba tumaze gukura, tukaba tugeze mugihe cyo kumwitura ubutwari bwe yagize muri ibyo bihe bikomeye."

Mu gusoza yasabye abakunzi ba muzika ye bafite ba Nyina babaye intwari cyane ko bazayibatura kuko aribo yayikoreye mu rwego rwo kubakeza ibyiza bakora kandi abizeza ko ibikorwa bye bagiye kubibona ari byinshi muri iyi minsi.

Iyi ndirimbo mu buryo bw’amajwi yatunganyijwe na Bob Pro, Amashusho atunganywa na Fayzo Pro.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO