D’banj yahishuye ko gukora umuziki gusa bidahagije ngo ubeho mu buzima bwiza muri Nijeriya

Umuhanzi D’banj ukomoka muri Nijeriya yavuze ko ubuhanzi budahagije muri kiriya gihugu kuburyo bwaha umuntu ubukora ubuzima bwiza aribwo abahanzi bakomoka muri icyo gihugu bakunda.

Yagize ati: "ubuzima buhenze abahanzi twe bo muri Nijeriya dukunda ntabwo twabuheshwa n’umuziki gusa".

Uyu muhanzi witwa Dapo Oyebanjo wamenyekanye mu muziki nka D’banj, ibi yabigarutseho ubwo yari mu kiganiro n’ikinyamakuru cya "PremiumTimes" yavuze ko abahanzi bakomeye barimo JayZ, Kanye West n’abandi benshi bagiye bafite indi mishinga ku ruhande ibafasha kubaho mu buzima bwiza kuko usanga bayikuramo ubundi butunzi bwinshi.

Yakomeje agira ati: "uyu ni umwaka wa gatandatu maze nubatse, nagerageje gushaka ahantu hagiye hatandukanye hanyubakira izina ry’ubwamamare ndetse n’ubushozi bw’umuryango.

Yabwiye umunyamakuru ati: "niyo ugiye ku rubuga rw’ishakiro rwa ’Google’, JayZ n’abandi bahanzi b’abakire ku isi ubona ko icumi ku ijana(10%) ry’ubukire bwabo ari ryo ryonyinye riva mu muziki".

Abajijwe niba umuziki uza ku mwanya wa kabiri mu byo akora yasubije agira ati: "oya" ahubwo icyo nshaka kuvuga ni uko iyo urebye Kanye West usanga ari umuherwe, Jay-Z ni umuherwe kandi bashobora kubona miliyoni 100 zivuye mu muziki, Ibisigaye byose bikava mu mishinga y’indi bakora, ati: "icyo nicyo abahanzi bo muri Nijeriya dukeneye".

Yavuze ko yahoze aganira n’umuntu amubwira ko bakeneye ikintu cyubakitse kandi gifite imishinga ifatika. Kandi byongeyeho uzajya uhora ukora indirimbo. Umuziki umporamo, kandi njya no gusohora indirimbo buri gihe.

Yakomeje avuga ko abakunzi be bahora bamubwira ko adaherutse gusohora indirimbo ariko we ngo yitabira ibirori, ibyo birori yitabira bamuha isaha imwe yo kuririmbamo. Ati: "isaha imwe sinaririmbamo indirimbo zange zose, yewe niyo yaba atatu sinaziririmba zose ngo bishoboke, Uretse gusa kugira icyo uha abantu bakareba".

Yavuze ko bakuze batagira ababareba ariko ko ubu uruganda barimo rw’umuziki rubibasaba. Abana bato b’abahanzi bo muri Nijeriya bafite abo bareberaho bagiye batandukanye, Ko ariyo mpamvu tubabwira mu gihe bumva bari mu mwanya mwiza, ko ari cyo gihe gikomeye bagomba guhagarika gukora ibintu bibahemba ubusa busa.

Ahubwo ko bashobora gufatanya n’imishinga ikomeye izabaha umwanya wo gufasha abandi bana bato bakibyiruka bo muri Nijeriya babafatiraho ikitegererezo mu muziki bashaka kubona amahirwe yo kuzamurwa.

Abajijwe niba umuziki udatanga inyungu muri icyo gihugu ku bawukora yavuze ko atari byo. Uyu mugabo w’abana babiri yagize ati: "sinshaka kuvuga ko umuziki utinjiza ahubwo kuwukora wonyine ntibihagije ngo bitange ubutunzi ku bawukora kandi banakunda kubamo abahanzi bo muri Nigeria".

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO