DONDA 2 ni alubumu nshya Kanye West yitegura gusohora ngo ntahandi izakinirwa uretse ahantu hamwe honyine ariho ku rubuga rwe rwa Stem Player

Umuhanzi Kanye West usanzwe ukorera umuziki muri Leta Zunze Ubumwe z’Amerika yavuze ko uburyo bwo kumva alubumu ye ikurikira ariyo Donda 2 bizashobokera buri umwe uwo ari we wese uzaba afite urubuga rwe rwa Stem.

Kuri Stem Player niho hazaba hafite uburenganzira bwo kwemerera abayikoresha kubona indirimbo iyo ari yo yose izaba iri kuri iyo alubumu. Mu magambo ye yagize ati: “Donda 2 nzayishyira ku rubuga rwanjye rwonyine, ntizigera icururizwa kuri Apple Amazon, Spotify cyangwa ku rubuga rwa YouTube.”

Yavuze ko impamvu yatumye afata iki cyemezo ari uko usanga abahanzi babona 12% y’amafaranga izo nganda zinjiza, Avuga ko ari cyo gihe cyo kugenga umuziki wabo binyuze muri ubwo ubwo buryo.

Kandi ngo ni cyo gihe biyoborere ibyo ubwabo banabyiyubakire ku giti cyabo.
Yavuze ko urwo rubuga rwihagije mu buryo bune ari bwo: gucuranga indirimbo mu buryo bw’amajwi, ingoma, injyana iri hasi cyangwa iri hejuru n’umuziki muri rusange.

Yavuze ko kandi ifite n’aho wacurangira indirimbo igihe umuntu abishakiye cyose. Aho yavuze ko kugeza uyu munsi uru rubuga rumaze kugira abantu ibihumbi 67,000 baruriho kandi ngo ku munsi rubona abagera ku bihumbi 3,000.

Mu magambo ye yagize ati: “ jya kuri stemplayer.com ube nawe ugiye muri iyi mpinduramatwara mu muziki.” Avuga ko nyuma ya alubumu 10 yazikoze ziherekejwe n’amasezerano, ko wasangaga yinjiririje miliyoni zirenga ijana z’amadorali urubuga rwa Apple.

Ati: “ku bw’ibyo rero nta numwe wanyishyurira gusuzugurwa kuri ako kageni, twe twishyiriyeho igiciro cyacu ku rubuga rwacu.”

Yatanze urugero rw’urubuga rwa Tech Companies rwikorera umuziki ku buntu. Avuga ko umuntu utishyiriraho aho gukorera ibikorwa bye atazigera abona icyo kurya.

Ygarutse kuri mugenzi we Jay Z wakoze urubuga rwa Tidal nyuma agaterwa n’abo yise imburambuga(fake media) baje bakamugurira urubuga rwe yari yitangirije.

Yavuze ko ari we ijana ku ijana(100%) witangiriye uwo mushinga, ngo ntakeneye kwanga uruhushya. Stem Player kuri we yayise ubundi buryo bushya bw’urungano rushya. Ati: “dufite ibintu byinshi turi kurukoraho.”

Kanye yavuze ku mbuga yasohoreyeho amalubumu zikanakinirwaho indirimbo mu gihe cyashize ko zihabanye n’urwe rwa Stem Player kuko ngo ruzahoraho alubumu ye atabanje kwisegura ngo asabe uburenganzira. Alubumu ye nshya biteganyije ko izajya hanze ku wa 22 Gashyantare 2022.

Avuga ko urubuga rwa Stem Player ruzaba ruboneka ahuntu henshi hagiye hatandukanye nko muri Leta Zunze Ubumwe z’Amerika, u Bwongereza, Canada n’ahandi henshi.


Iyi ni cover ya alubumu ye nshya Donda 2

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO