Danny Vumbi ku mugore we ati “Bamwe bagufata nk’umuntu usanzwe”

Danny Vumbi yifurije umugore isabukuru nziza y’amavuko abwira abantu ko ari umuntu udasanzwe afata nka nyina w’abana be cyangwa se umuntu udasanzwe kuri we.

Buri tariki 07 Gicurasi ni umunsi w’amateka ku mugore wa Danny Vumbi, Jeannette Muhawenimana, wizihiza isabukuru y’amavuko. Inshuti ze n’umuryango bagenda bamwifuriza ko uwo munsi wa mubera mwiza.

Ni umunsi kandi w’ibyishimo ku mugabo we Semivumbi Danny wamamaye mu ndirimbo nyinshi cyane cyane “Ni Danger”, kuko ari ubwo umubyeyi w’abana be ari bwo yabonye izuba.

Kuri uyu munsi w’umugore we yamwifurije kugira isabukuru nziza y’amavuko agira ati “Bamwe bagufata nk’umuntu usanzwe baziranye, abandi bakagufata nk’umuturanyi wabo, hari abakuzi nk’uwo bafitanye isano hari n’abakubona nk’umukozi cyangwa umukoresha muri ubu buzima bwacu bwa buri munsi.

Njye rero si uko, kuri njye uri umubyeyi, uri nyina w’abana banjye, nyina w’umuntu, inshuti yanjye, byose byanjye. Umunsi mwiza w’amavuko.”

Danny Vumbi na Muhawenimana Jeannette bamaranye imyaka 16 babana nk’umugabo n’umugore, nyuma y’imyaka ine babanje gukundana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO