Danny Vumbi yasohoye indirimbo nshya ivuga ku rumogi yabatije izina ry’Ibibaba

Semivumbi Daniel uzwi ku mazina ya Danny Vumbi mu muziki yasohoye indirimbo nshya yise Ibaba avuga ko igamije kurwanya ibiyobyabwenge mu rubyiruko kuko ari n’ibintu yifuje gukora kuva kera.

Ku rubuga rwe rwa You tube ahari iyi ndirimbo munsi yarengejeho ijambo rivuga ngo – ‘Ibibaba ni indirimbo yanditswe na DannyVumbi igamije gukangurira abantu kudakora umurimo wa Police wo gutwika ibiyobyabwenge.’

Mu gitero cya mbere k’iyi ndirimbo aba aririmba agira ati “Hoya ntabwo nzongera gutwika ibibaba mu mbabarire, ejo nari mfuye nari amahigh ndazutse sinzabyongera habe no kugerageza kuko ni insazi zo kwigana police kujya gutwika ibibaba kotsa amajyane no kuyoyoma, nkejo nagurukaga bunyoni, umwotsi wanteye ikibatsi unshyira mu nzozi z’uruvange, numvaga meze nkaho ngenda hejuru y’amazi sinzabyongera habe…”

Aganira na Genesis Tv yavuze ko iyi ndirimbo icyo igamije ari ukurwanya ibiyobyabwenge cyane cyane mu rubyiruko.

Ijambo “Ibibaba” yakoresheje ati “Risobanura urumogi rikoreshwa n’abadashaka kumvikanisha ko bagiye kunywa ibiyobyabwenge.

Naho gutwika ibibaba ni ukunywa urumogi ku bantu basanzwe ariko kuri police ni ugutwika ibiyobyabwenge byafashwe mu rwego rwo kubica.”

Iyi ndirimbo ya Danny Vumbi mu buryo bw’amajwi yakozwe na Element naho amashusho yayo atunganywa na Fayzo.


Iyi ndirimbo yakorewe i Musanze ikorwa na Fayzo wambaye umupira w’umuhondo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO