David Beckham yasabye abamukurikira kuri Instagram ko bafungura konti yo gufasha Ukraine

David Beckham yabaye gapiteni w’ikipe y’igihugu y’Ubwongereza ndetse aba n’umukinnyi ukomeye mu ikipe ya Manchester united hamwe na Real Madrid. Kuri ubu uyu mugabo akomeje gushyira ku rubuga rwe amatangazo ajyanye no gusaba abakunzi be bamukurikirana ko bafungura konti igenewe gufasha abaturage bagizweho ingaruka n’intambara muri Ukraine.

Uyu mugabo yafashe iki cyemezo bitewe nibyo yagiye abona umugore uvurira mu bitaro byo mu gihugu cya Ukraine yatangaje ndetse agakomeza kugenda yerekana akazi gakomeye bari gukora mu kugerageza gufasha abarwayi barimo kugirwaho ingaruka n’iyi ntamabara.

Amashusho uyu mugore arimo kwerekana ni agaragaza abana barimo kuvuka muri iki gihe gikomereye Ukraine aho barimo kutabona ubufasha nkuko bikwiriye bitewe n’abandi barwayi barimo gukomerekera mu bitero by’Uburusiya.

Ibi byatumye bwana David Beckham w’imyaka 46 y’amavuko yiyemeza gusaba abamukurikira kuri Instagram ye dore ko barenga miliyoni 71 abasaba ko batangiza konte bashyiraho amafaranga ashobora kugoboka abarimo kugirwaho ingaruka n’intambara yo muri Ukraine.

Ibi byatumye David Beckham agerageza kwerekana akazi gakomeye karimo gukorwa n’uyu mugore witwa Dr Iryna aho uyu mugore ngo akora amasaha 24/24 n’iminsi 7/7.

Uyu mugore yagize ati’’ iminnsi ya mbere ntabwo byari byoroshye twagombaga kwiga neza uburyo tugomba kuvuramo abarashwe ibisasu n’izindi nkomere z’urugamba gusa kuri ubu ntakundi tugomba kwiyemeza gushyira ubuzima bwacu mu kangaratete, kugirango turusheho gufasha abarimo guhura n’ibibazo birimo guterwa n’iyi ntambara gusa dukunda cyane akazi kacu n’ubwo twese dufite intimba n’agahinda twese buri munsi turarira gusa nta numwe muri twebwe uteze kuva ku izima."

Nyuma y’aya magambo byatumye David Beckham atangira gusaba abamukurikira kuri Instagram ko batangira gushaka uburyo bakora konti igenewe gufasha abaturage barimo kugirwaho ingaruka n’iyi ntambara yo muri Ukraine.

Yahise asaba abamukurikirana kuri Instagram ko barushaho gusaba UNICEF hamwe na UN ko byakomeza gutabara abaturage ba Ukraine aha David Beckham we n’umugore we bahise bakusanya agera kuri Miliyoni y’amadorari y’Amerika agenewe gufasha abagizweho ingaruka n’intambara Uburusiya bwashoje kuri Ukraine.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO