David Beckham yokejwe igitutu nyuma yo gusinyira akayabo ka miliyoni 150 z’Amayero

David Beckham yokejwe igitutu nyuma y’uko bimenyekanye ko yatoranyijwe mu bikorwa byo kwamamaza igikombe cy’isi cy’umupira w’amaguru cya 2022 kizabera muri Quatar.

Beckham wahoze ari kapiteni w’ikipe y’igihugu y’u Bwongereza ari kotswa igitutu n’imiryango iharanira uburenganzira bwa muntu aho iri kumushinja kwemera gusinya amasezerano yo kuba umufatanyabikorwa mu kwamamaza igikombe cy’isi kizabera muri Quatar yirengagije uburyo uburenganzira bwa muntu buhonyorwa muri icyo gihugu.

Biteganyijwe ko David Beckham azishyurwa akayabo ka miliyoni 150 z’Amayero (£) aya akaba aziyongeraho akayabo ka miliyoni 10 z’Amayero bazamwishyura zo kugaragara muri filime yamamaza igikombe cy’isi biteganyijwe ko kizabera muri Quatar mu mwaka wa 2022.

Nyuma yo kwemera aya masezerano bigoye cyane ko n’undi wese yayitesha, David Beckham ubu ntiyorohewe n’imiryango iharanira uburenganzira bwa muntu aho ivuga ko iki gihugu cyitubahiriza uburenganzira bwa muntu nawe akaba yaremeye gukorana nacyo.

Iyi miryango iri gushinja Beckham ko yagurishije roho ye kubera umururumba n’inda nini y’amafaranga.

Quatar ishinjwa n’iyi miryango ko ari igihugu kigira ivangura rishingiye ku ruhu, kwica abatinganyi no gukandamiza igitsina gore.


Benshi biteze ko David Beckham hari icyo azakora nk’umwe mu bazaba bavuga rikijyana kugirango amenyekanishe aka karengane iyi miryango iharanira uburenganzira bwa muntu ivuga ko kaba muri Quatar.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO