Davido aracyashegeshwa n’urupfu rwa Gafotozi we

Umuhanzi w’icyamamare mu gihugu cya Nigeria David Adedeji Adeleke uzwi nka Davido akomeje kugaragaza agahinda kenshi nyuma yo gupfusha umufotozi we wihariye Fortune Umname witabye Imana mu minsi ishize arohamye mu mazi .

Uyu mufotozi wa Davido bari bamaranye imyaka isaga 12 ariwe umufotora aho yabaga ari hose haba mu buzima busanzwe cyangwa mu bitaramo yagiye akorera mu bice bitandukanye kw’isi.

Davido ukomeje guheranwa nako gahinda ku munsi w’ejo abinyujije ku mbuga nkoranyambaga ze yongeye gushimangiza Fortune yafataga nk’umuvandimwe witabye Imana ku tariki 21 Nzeri 2021.

Yagize ati” Fortune ntabwo nakwizera ko wagiye, kuva twahura ntiwigeze umva iruhande umunsi n’umwe, wavuye ku muntu ntazi nafataga nk’umukozi uba umwe mu bantu mfata nk’abavandimwe ba hafi cyane yanjye, Igihe cyawe cyose wakimaze iruhande rwanjye witanga unkorera, gusa ubu sinakwizera ko ndi kwandika ibi ngusezeraho bwa nyuma ,Mbabajwe nuko ugiye ntagukoreye ibyo nari naragusezeranyije."

Mu gahinda kenshi Davido yakomeje agira ati “ Umutima wanjye uraremerewe kandi urababaye ku buryo ntabona uko mbisobanura, gusa ndishimira ko twamenyanye tugakora byinshi yewe tugatemberana n’isi yose. kuri njye ntawuzagusimbura muvandimwe nubwo ugiye kare nzakora ibishoboka byose ngo izina ryawe ritazibagirana.

Uyu muhanzi yiyemeje ko ko izina rya Fortune ritazibagirana kandi azakora ibyo ashoboye byose agasohoza ibyo yari yaramusezeranyije nubwo we agiye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO