Umuhanzi Davido yaguze imodoka yo mu bwoko bwa Rolls Royce Cullinan kuri 382,000$

Umuhanzi w’icyamamare muri Nigeria David Adedeji Adeleke wamenyekanye nka Davido nyuma yo gukura indege ye bwite yaguze n’imodoka yo mu bwoko bwa Rolls Royce Cullinan iri mu zihenze ku Isi.

Uyu musore uzwiho gutunga imodoka nziza, amazu meza, ndete akaba n’umwe mu bahanzi bo muri afurika batunze indege zabo bwite z’izwi nka ( Private Jet ) yaguze mu mwaka wa 2015 ku gaciro ka miliyoni 27 z’amadorali .

Nyuma yo kugura ibyo bintu byose bihenze mu myaka yashize, yashyize hanze amafoto ku rubuga rwe rwa Twitter y’imodoka y’igitangaza yo mu bwoko bwa Rolls Royce Cullinan yaguze ibihumbi 382 by’amadorali y’amerika ugereranyije mu mafaranga y’u Rwanda ni Miliyoni 382.000.000.

Yakurikijeho amagambo agira ati “Turazamuka tukazamura n’abandi ariko ntuzibagirwe kwihesha agaciro!!! ubu niguriye Rolls Roys yanjye ya mbere. Imana ni nziza, Kandi Mana ndagushima byimazeyo."

Nkuko tubikesha urubuga rwa Carbuzz rubitangaza, iyi Rolls Royce Cullinan yo mu 2021 igura agera ku madolari 382.000 (N183M).

Davido aguze iyi modoka mu gihe hari abandi bahanzi bagenzi be nka Phyno na D’banj bafite imodoka za Rolls Royce mu magaraji y’imodoka zabo z’ibitangaza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO