Davis D ati “Nta bishegu ndirimba, mureke kutubangamira mwitiranya ibintu”

David Icyishaka uzwi nka Davis D mu muziki bamwe bakunze kumushyira mu mubare w’abahanzi ngo bakora indirimbo zirimo amagambo ashishikariza abantu ubusambanyi gusa uyu muhanzi ibi yarabihakanye avuga ko ababivuga bitiranya ibintu.

Indirimbo za Davis zikunzwe kuvugwa cyane ko zirimo ubutumwa buganisha ku rukundo rwo mu buriri harimo “Dede na Micro.”

Uyu muhanzi we ntabwo ibyo bamuvugaho abyemera ngo kuko baba bamubeshyera bakabivuga uko bishakiye kandi we ataribyo aba agamije.

Ati “Njyewe ntabwo ndirimba ibishegu, abaye aribyo nkora najya nandika kuri iyo ndirimbo ko igomba kurebwa byibuze n’abafite imyaka iri hejuru ya 18, icyo nabwira nababikora bajye babikora. Ikindi bareke kutubangamira bitiranya izo ndirimbo.”

Umubyeyi we ni iki avuga ku bantu bashinja umwana we ibishegu

Se ubyara Davis D ni umwe mu bamufasha mu kazi ke ka buri munsi byumwihariko no mu rugendo rwe rw’umuziki.

Ubwo yaganiraga n’abanyamakuru nawe yagize icyo avuga ku bivugwa ku muhungu we bashinja kuririmba izo ndirimbo.

Ati “Abanyamakuru muzakore ikiganiro mpaka n’abayobozi kuko kirazira kuvuga ikintu nta bushakashatsi wabikozeho bazabanze bamenye ibishegu ni iki gifatwa gute?...Umuhungu wanjye ntabwo aribyo aririmba kuko bibaye aribyo nanjye sinabimwemerera.

Ni byiza ko abantu baba maso bagaha agaciro umuco kuko turi abanyarwanda, ibyo abahanzi bahanga hari ingaruka byatera kandi nziza cyangwa mbi.

Nkubu abahanzi njyewe mbona bagakwiye gushimirwa kuko barakoze cyane byumwiharimo mugihe cya Covid-19 kuko batumaraga irungu. Ikindi nasaba niba ibyo bintu bishobora guteza ikibazo numva hagashyizweho umurongo ubundi bakareba ko umuziki udakorwa neza ntakibazo.

Umuhanzi Davis D yaboneyeho no gutangaza Album ye nshya yitwa Afro Killer ateganya gushyira hanze vuba ikazaba igizwe n’indirimbo 20.


Davis D avuga ko nta bishegu aririmba ahubwo ngo abantu bareke kubyitiranya


Umubyeyi we avuga ko arerera u Rwanda atakwemera ko umwana we akora ibishegu

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO