Davis D na Kevin Kade barekuwe by’agateganyo

Urukiko rw’Ibanze rwa Nyarugenge, rwategetse ko Davis D, Kevin Kade na Habimana Thierry barekurwa by’agateganyo ku cyaha bari bakurikiranyweho cyo gusambanya umwana utarageza imyaka y’ubukure.

Ni icyemezo cy’Urukiko cyasomwe kuri uyu wa Gatanu tariki 14 Gicurasi 2021 nyuma y’ubwiregure bwabo bwabaye kuwa Gatatu tariki 12 Gicurasi 2021.

Urukiko rw’Ibanze rwa Nyarugenge rwatangaje ko rusanga nta mpamvu zikomeye zatuma bakekwaho ibyaha baregwa, bityo bagomba guhita barekurwa iperereza rigakomeza badafunzwe.

Kevin Kade ndetse na Habimana Thierry bari batawe muri yombi bakurikiranyweho ibyaha birimo gusambanya umwana utujuje imyaka y’ubukure; Mu gihe Davis D we akukiranweho icyaha cyo kuba icyitso mu gusambanya umwana utujuje ubukure.

Kevin Kade yatawe muri yombi tariki ya 21 Mata 2021. Nyuma y’iminsi itatu tariki 24 Mata 2021 nibwo inzego z’umukano zaguye gitumo Davis D mu rugo iwe ku Kicukiro, na we ajyanwa gufungwa.

Bose bari bacumbikiwe kuri sitasiyo ya Polisi ya Rwezamenyo i Nyamirambo.

Davis D na Kevin Kade barekuwe by’agateganyo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO