Demba Ba yatangaje ko agiye guhagarika gukina umupira

Uwahoze ari rutahizamu wa Chelsea na Newcastle United, Demba Ba yatangaje ko agiye gushyira akadomo k’umwuga wo gukina umupira w’amaguru yari amazemo imyaka isaga cumi n’itandatu.

Demba Ba yatsindiye ibitego 14 ikipe ya Chelsea mbere yo kwerekeza muri Turukiya. Mu gihe yari muri Turukiya yafashije amakipe abiri kwegukana ibikombe.

Ikipe ya Besiktas yayifashije kwegukana igikombe, hagati y’umwaka wa 2016-2017 ndetse afasha n’ikipe ya Basaksehir kwegukana igikombe hagati ya 2019-2020.

Mu magambo yanditse ku rukuta rwe rwa twitter, yagize ati ’’ Mu mutima wuzuye amashimwe, nifuje kubamenyesha ko nsoje umwuga wo gukina umupira w’amaguru’’

Mu magambo ye yakomeje avuga ati ’’ Ni urugendo rwari rwiza cyane. Nyuma y’ibyuya byose n’amarira twarize, umukino w’umupira w’amaguru wampaye ibihe byiza byinshi’’

’’ Kuva ku rukundo rw’abafana n’urusaku rwabo igihe natsindaga buri gitego hamwe n’ubufatanye na bagenzi banjye twakinanye, ndetse n’umubano wo hanze y’ikibuga, ibyo byose bizahora iteka mu ntekerezo no ku mutima wanjye’’.


Ba asoje gukina umupira w’amaguru nk’umunyamwuga ku myaka 36 y’amavuko.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO