Denmark:Umwicanyi witwaje imbunda yarashe abaturage bituma bahasiga ubuzima
- by
- 4/07/2022 saa 09:17
Biravugwa ko umugabo w’imyaka 22 niwe wafashwe aho akurikiranyweho bwicanyi bwakorewe mu nzu y’ubucuruzi ya Field iherereye mu majyepfo y’umurwa mukuru wa Danemark ariwo Copenhagen.
Umuvugizi w’igipolisi muri aka gace avuga ko impamvu uyu mugabo yaba yagabye iki gitero zitaramenyekana gusa ngo bishoboka ko ari iterabwoba.
Minisiteri w’intebe wa Danemark yahumurije abaturage, ndetse afata mu mugongo imiryango yabuze ababo, anasaba abanya Danemark gufatana urunana mu kurwanya iterabwoba.
Umuryango w’umwamikazi wa Danemark wifatanije n’umubabaro mwinshi “n’abakozweho n’iki gitero, inshuti zabo n’abo bose cyagizeko ingaruka”.
Mw’itangazo basohoreye, umwamikazi Margrethe, igikomangoma Frederik n’igikomangomakazi Mary banditse bati: "Ntituramenya neza ibyangiritse muri aka kaga, ariko biragaragara ko hari benshi bahasize ubuzima mbere n’abandi batari bake bakomeretse”.
Ukekwa ko ari we wakoze iki gitero yari afite imbunda n’amasasu igiye yahagarikwaga, ibi byatumye ariwe uri ku isonga mu bakekwa mu gihe iperereza rigikomeje.
Uyu ukekwa ko yakoze igitero, igipolisi kivuga ko ari umunye-Danemark”, akaba ari bugezwe imbere y’umucamanza kuri uyu wa mbere.
