Derek (Active) nyuma yo gusoza amasomo ati “Njye n’itsinda tuzakomeza kugaragara.”

Umuhanzi Derek wo mu itsinda rya Active hamwe na Danny Nanone ni bamwe mu basoje amasomo mu ishuri ry’umuziki ryo ku Nyundo risigaye ribarizwa mu karere ka Muhanga.

Aba bahanzi ni bamwe mu basubitse umuziki wabo bagana ishuri mu rwego rwo kwiyungura ubumenyi kugirango bazamure urwego.

Derek umwe muri batatu bagize itsinda rya Active avuga ko yungutse ubumenyi bwinshi kandi bushya mu kazi akora.

Ati “Bizamfasha mu gutera imbere.”

Ku bahanzi bagenzi be avuga ko nta nama idasanzwe abafitiye ngo kuko buri muntu agira uko yita ku bikorwa bye.

Mu minsi yashize havugwaga amakuru ko iri tsinda rya Active ryaba ryaratandukanye nubwo byari amakuru adafitiwe gihamya kandi iri tsinda ridaheruka no gusohora indirimbo.

Ati “Nyuma y’amasomo ni ugushyira mu ngiro ibyo nize, Active na Derek byombi bizagaragara.”

Derek na Danny Nanone batangajwe mu banyeshuri 50 Tariki 19 Mutarama 2018 bari batsindiye kujya kwiga muri iri shuri ry’umuziki.

Bombi bigaga ibijyanye no gutunganya indirimbo, kuvuza ingoma, gucuranga piano no kubyaza umuziki inyungu.

Derek na Danny Nanone basoje amasomo y’umuziki ku Nyundo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO