Diamond Platnumz yatangaje ko ari mu rukundo rushya

Umuhanzi ukomoka mu gihugu cya Tanzaniya Naseeb Abdul Juma wamamaye nka Diamond Platnumz yatangaje ko ari mu rukundo rushya.

Diamond usanzwe ari umwanditsi w’indirimbo, umubyinnyi, akaba n’umuyobozi mukuru washinze Radiyo na Televiziyo bya Wasafi Classic Baby (WCB) yemeje amakuru y’uko ari mu rukundo rushya n’umuntu atashatse kuvuga amazina.

Ibi uyu muhanzi yabitangaje mu kiganiro yagiranye na Wasafi Media asanzwe abereye umuyobozi, aho yashimangiye ko yatangiye urukundo rushya n’umukobwa akaba yizeza abakunzi be kuzamubereka mu gihe cya vuba.


Diamond Platnumz ubwo yari mu kirori cyateguwe na Zuchu Credit: Wasafi Media

Mu kiganiro yatanze ubwo yitabiraga igitaramo cy’abakundana , ubwo yanyuraga ku itapi itukura, umunyamakuru yamubajije niba ari ingaragu cyangwa niba afite umukunzi, aha nibwo Diamond yemeje ko ari mu rukundo rushya.

Yagize ati: ‘‘Ndi mu mubano, ndishimye, kandi nishimiye umubano wanjye umpa umunezero n’amahoro. Nanjye ndifuza gutera ikirenge mu cy’abandi, urukundo nirwo ndimo.’’

Ni mugihe byari bimaze iminsi bivugwa ko uyu muhanzi ari mu rukundo na Zuchu asanzwe afasha mu bikorwa bye bya muzika, gusa Diamond ubwo yabazwaga kuri icyo kibazo yatangaje ko atariwe bari mu rukundo kuko atari ubwa mbere yinjiranye na Zuchu ku itapi itukura.


Diamond na Zuchu ubwo bageraga aho ikirori cyaberaga Credit: Wasafi Media

Aha yagize ati: ‘‘Oya murabizi ko Zuchu ari umuhanzikazi wanjye, si ubwa mbere duhagararanye ku itapi itukura, na mbere namumenyereje kumuzana hano, n’ubu turazanye yaramamaye, umwana muto ku mubyeyi naze.’’

Diamond yumvikanye avuga ko akunda umukunzi we yagize ibanga rikomeye ati: ‘‘Ndamukunda cyane kandi azi ko mukunda kandi amagambo y’ubusa ntabwo ahagije ariko abona ibikorwa byanjye.’’

Umubano wa nyuma w’umuhanzi Diamond Platnumz wabaye ubwo yakundanaga n’umuririmbyikazi w’Umunyakenya akaba n’umwanditsi w’indirimbo Tanasha Donna, batandukanye muri 2020 amaze kumubyarira umwana w’umuhungu.

Diamond yatangaje ko ari mu rukundo rushya

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO