Didier Drogba nawe yashyizwe ku rutonde rw’abazita amazina abana b’ingagi

Rurangiranwa mu mupira w’amaguru Didier Drogba ni umwe mu bazita amazina abana b’ingagi 20,mu muhango uzabera mu Kinigi kuwa Gatanu taliki 02 Nzeri 2022.

Kizigenza Didier Drogba ni umugabo wamenyerewe cyane by’umwihariko mu ikipe ya Chelsea no mu ikipe y’igihugu ya Cote d’Ivoire, ndetse uyu mugabo aragera mu Rwanda aho agomba kwitabira umuhango umaze kubaka izina ku isi.

RDB itegura uyu muhango niyo yemeje ko uyu munyabigwi azitabira #KwitaIzina uyu mwaka aho azaba ari kumwe n’ibyamamare bitandukanye.

Drogba yabaye kapiteni wa Côte d’Ivoire ndetse yayitsindiye ibitego byinshi kurusha abandi bakinnyi, by’umwihariko aba umunyabigwi mu ikipe ya Chelsea.

Drogba kandi yabaye umukinnyi w’umwaka muri Afurika inshuro ebyiri zitandukanye, hagati ya 2006 na 2009.

Ubusanzwe Didier Yves Tebily Drogba yaherukaga mu Rwanda mu kwezi k’Ukwakira 2019.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO