Diplomat yasohoye indirimbo ivuga ku mukino wa Politike - VIDEO

Umuraperi Diplomat yasohoye indirimbo nshya yise ‘Kalinga’ aho aba avuga ibyiza ndetse n’ibibi byayo aho usanga hari abayigenderamo bitewe n’inyungu runaka cyangwa se ubuyobozi bubi.

Diplomat ufite umwihariko wo kuririmba amateka ndetse n’ibindi bijyanye na Politike yaherukaga gushyira hanze indirimbo muri Mutarama 2020 yitwa ‘Umwe Bavuze’ yakoranye na Bruce Melodie.

Muri iyi ndirimbo ye nshya yise Kalinga itangira nawe avuga iko hari haciyemo igihe atumvikana mu matwi y’abakunda ibihangano bye.

Muri iyi ndirimbo ye nshya aba avuga ku cyo yise ‘Politike ya Kalinga.’

Mu gitero cya mbere agira ati “Abanyapolitike ni nk’intanga muri miliyoni harokokamo umwe gusa muzima, abatagamburuzwa n’ifaranga ni bake, benshi ribavuna amavi rikabavana ku izima.”

Akomeza avuga ko imico imeneshwa ikanaseswa, aha avuga no ku mateka y’u Rwanda rwo ha mbere.

Akomeza asobanura ko Politike ibamo ibikorwa byinshi bigira ingaruka haba ku bayirimo ndetse n’abaturage. Mu kubisobanura avuga ko Imana yaremye umuntu ariko undi muntu nawe bitewe n’ububasha afite ahitamo kugenga uwo. Ati “Umukino wa politike ni nko gufata umuntu kungufu.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO