Dj Caspi agiye gusohora Mixtape yise Don’t Kill My Vibe

Rugamba Jean Claude wamenyekanye nka Dj Caspi Nyirabo kuri Flash Tv mu biganiro nka Flash Mix , Flash Hype, Himbaza Gospel Show, agiye gushyira hanze Mixtape yise ‘Don’t kill my vibe.’

Uyu musore umaze kugaragaza ubuhanga budasanzwe mu gihe gito amaze mu kazi ko kuvanga umuziki yadutangarije igituma akora Mixtape buri mwaka n’inyungu abona bimugirira mu kazi ke.

Ati "Uyu mwaka nifuje guha abakunzi b’ibikorwa byanje iyi Mixtape mu rwego rwo kubibutsa ko nubwo uyu mwaka 2021 abanyarwanda ndetse n’isi yose batabashije kwidagadura nkuko byari bisanzwe ngo bajye mu tubyiniro, abahanzi bo ntabwo barekeye gukora indirimbo kugira ngo abantu badaheranwa n’irungu ubwo bari muri gahunda za Guma mu rug , akaba ariyo mpamvu ya mbere ituma ntegura urwo ruvange rw’indirimbo zaba iz’amashusho n’amajwi."

Tumubajije icyatumye ayita Don’t Kill My Vibe yavuze ko bitewe n’indirimbo yashyizeho zasohotse muri uyu mwaka ushobora kuyumva mu gihe waba wababajwe n’inshuti zawe cyangwa mu gihe ufite stress mu kazi ikaba yatuma wongera kugira akanyamuneza ko gukora gahunda zawe unezerewe .

Ku bijyanye no kuba kuri iyo Mixtape ye yise Don’t Kill My Vibe hazaba harimo n’indirimbo z’abanyarwanda yadusubije ko adakunda kuzishyiramo cyane kubera ko abahanzi nyarwanda bamaze kugaragaraho umuco wo kwikunda cyane batajya baha agaciro abantu babafasha mu iterambere rya muzika yabo, yatanze urugero rw’uko umuhanzi umwereka y’uko igihangano cye hari byishi uri kugikorera ariko we akakwereka ko ibyo ukora adashobora ku bisangiza abakunzi mu rwego rwo gukomeza gufashanya.

Yasoje asaba abahanzi nyarwanda guhaguruka bagakorana na buri wese ufite aho ahuriye n’iterambere rya muzika aho gusanga abenshi basigaye bicurangira umuziki w’abahanzi bo hanze y’U Rwanda badahwema gushimira abadj’s bo mu Rwanda kugeza aho usanga aribo basigaye bakorana nabo byimbitse.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO