Dj Caspi wari uhagarariye u Rwanda mu irushanwa rya Dj Battle Africa yegukanye igihembo

Umunyarwanda Rugamba Jean Claude uzwi nka Dj Caspi usanzwe akorera Radio Flash Fm na Flash Tv yegukanye igihembo cy’ibihumbi 300.000 mu CFA irushanwa rya Dj Battle Africa ryaberaga mu gihugu cya Côté d’Ivoire kiri mu burengerazuba bw’Afurika aho yari ahanganye n’abandi ba Dj basaga 7 bo muri Afurika yose .

Uyu musore yahagurutse mu Rwanda mu mpera z’icyumweru gishize yerekeza mu mujyi wa Abidjan aho yagombaga guhurira n’abandi bavanzi b’imiziki bagera kuri 7 aribo Deejay Goleme (DRC), Deejay Animal (Sao Tome and Principe), Deejay Chris (Gabon), Deejay Styvo (Cameroon), Deejay Alida (Burundi), Deejay Youss (Equatorial Guinea), and DJ Fina (Chad).

Ku mugoroba wo kuri uyu wa kabiri tariki ya 29 Kamena 2021 ni bwo ahabaye igitaramo aba bavanzi b’umuziki bose uko ari 8 bagaragarijemo ubuhanga bwabo bikaza kurangira Umunyarwanda Dj Caspi ahigitse abagera kuri batanu akegukana umwanya wa Gatatu bikamuhesha igihembo cy’amafaranga ibihumbi 300 by”amasefa (CFA) akoreshwa mu bihugu byo muri Afurika y’iburengerazuba ugereranyije angana 531397.73 by’amanyarwanda .

Ubwo uyu musore yahagurukaga I Kigali yari yatangarije ikinyamakuru New Times ko ubu ariwo mwanya kuri we wo kwerekana ubushobozi bwe ndetse ko yishimiye guhura na bandi bavanzi b’umuziki baturutse mu bihugu bitandukanye by’Afurika .

Yagize ati “ Ngiye muri ririya rushanwa kwerekana ubuhanga bwanjye ndetse no gutanga ibyo nabonye byose , kandi ndishimira buri kintu cyose nakoze muri uyu mwuga .

Yakomeje agira ati “Sinshidikanya ko ari uburambe mfite bukomeye ahubwo njya ngiye gukora ibyo nkunda cyane kandi ndizera ko hamwe n’Imana nshobora kuzatwara umwanya wa mbere bigatuma nzamura Ibendera ry’igihugu cyanjye mu mu ruganda rwo kuvanga umuziki muri Afurika .

Mu kiganiro kihariye Dj Caspi agiranye na Genesisbizz muri iki gitondo ku murongo wa Telefone ubwo yari mu nzira yerekeza ku kibuga cy’Indege agaruka mu Rwagasabo .

Yagize ati “ kwitabira irushanwa rya Dj Battle Africa byari irindi somo ryiza kurinjye kuko nahuye na bagenzi banjye benshi baturutse mu bihugu bigera kuri birindwi harimo n’umukobwa ukomoka mu gihugu cy’abaturanyi cy’ u Burundi nawe wabashije kwegukana umwanya wa Kabiri byari ibyishimo kuri twese kuba tuva mu bihugu byo mu karere kamwe tukabasha guhigika abo muri ibyo bihugu bindi.

Abajijwe imbogamizi yagize akigera muri cote d’Ivoire yadutangarije ko iya mbere yabaye ururimi gusa kuko we akoresha icyongereza byaramugoye kumvikana n’abantu baho kuko bakoresha igifaransa gusa yashimiye mugenzi we w’i Burundi Dj Alinda ko yamubaye hafi akajya amusemurira kugeza irushanwa rirangiye.

Mu butumwa yashyize kuri Instagram ye Dj Caspi yagize ati “Final results Rwanda ku mwanya wa3 nshimiye buri umwe wese wanyeretse ko turikumwe mwanyeretse urukundo binyongerera umurava wo guhangana n’abandi Imana ibahe umugisha ndabakunda.

Biteganyijwe ko Dj Caspi agera ku kibuga mpuzamahanga cya Kigali ku gicamunsi cyo kuri uyu wa Gatatu .

Dj Caspi yegukanye umwanya wa 3 mu irushanwa rya Dj Battle Africa 2021

Dj Caspi yashikirijwe sheki y’ibihumbi 300 bya CFA

Dj Caspi yishimiye itsinzi muri iri rushanwa rya Dj Battle Africa 2021

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO