Dj Pius n’umunyabigwi Zahara bashyizwe mu bakemurampaka mu irushanwa rya Talented Africa

Umuhanzi w’umunyarwanda Dj Pius yashyizwe mu bagize akanama nkemurampa mu irushanwa rya Talented Africa aho azaba afatanyije n’abandi barimo umunyamuziki w’umunyabigwi Zahara wakunzwe cyane mu ndirimbo Loliwe.

Talented Africa ni rimwe mu marushanwa akomeye muri Afurika aho yitabirwa n’abanyempano banyuranye.

Iri rushanwa ritegurwa n’ikigo cya The International Music Academy (IMA), ubusanzwe ribera mu mujyi wa Durban ho muri Afurika y’epfo. Uryegukanye ahabwa ibihumbi 70 by’amadorali y’Amerika.

Anthony Kabugo Nyanzi umugande w’umuhanzi ariko uba muri Afurika y’epfo niwe muyobozi mukuru w’iri rushanwa avuga ko ibyiciro bizahatana uyu mwaka harimo “Abahanzi, Ababyinnyi, Abanyarwenya, Abasizi hamwe n’abakora Maji (Magicians).”

Mu bazaba bagize akanama nkemurampaka harimo n’umunyarwanda Dj Pius abandi bazakorana nawe harimo Albert Nyathi (Zimbabwe) na Zahara (South Africa).

Iri rushanwa rizamara amezi atatu aho ryagabanyijwemo ibyiciro bine. Rizatangirira muri Afurika y’Iburasirazuba muri Uganda. Bwa kabiri hazahita habaho guhatana ku rwego rw’umugabane ariko bikorerwe kuri internet.

Nyuma yaho bazakorera muri Zimbabwe (Central Africa) ari naho bazava hakurikirano icyiciro kibanziriza icya nyuma (semi final) biteganyijwe ko kizabera muri Afurika y’Epfo.

Ibi byose bizatangira n’icyumweru cya kabiri cy’ukwezi kwa cumi. Buri karere ko muri Afurika hazava abanyempano 20, muri ½ hasigaremo 10 aribo bazavamo batanu bazagera kuri Final.

Uhagarariye IMA avuga ko uzatsinda wese bazajya bamumenyera amafaranga y’urugendo, naho kuba gusa kubazabasha kugera mu cyiciro kibanziriza icya nyuma bitewe n’uko bizabera muri Afurika y’epfo.

Ati “Dukeneye umuntu wese wigirira icyizere ku mpano ye kugirango azahagararire igihugu cye neza.”

Biteganyijwe ko iri rushanwa rizajya rinyuzwa ku mateleviziyo atandukanye harimo NBS TV ya Uganda na Honey TV iba kuri (DStv channel 173).

Ushaka kwiyandikisha wanyura Hano ... https://talented.africa/register/


Dj Pius yagiriwe icyizere ajya mu kanama nkemurampaka


Zahara wakunzwe cyane mu ndirimbo Loliwe azakorana na Dj Pius

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO