Dj Pius yasinyishije Babo asimbura Amalon

Umuhanzi Dj Pius ufite inzu ifasha abahanzi ya 1K Entertainment yasinyije umuhanzikazi Babo nyuma yo gutandukana na Amalon.

Dj Pius ibi yabitangaje kuri uyu munsi mu gitondo ubwo yatangaga integuza y’indirimbo ya Babo yakoranye na The Ben.

Dj Pius yavuze ko bagiye gukorana by’akazi kandi ko ari umwana w’umuhanga ariko waburaga uko yita ku muziki we bitewe n’amashuri ndetse n’uko ahanini akunze kuba atari mu Rwanda.

Ubusanzwe Babo yafashwaga n’ababyeyi be baba mu Budage.

Ubwo twavuganaga na Nyina yavuze ko byamushimishije kuba Dj Pius agiye kujya akurikirana inyungu z’umukobwa we muri muzika.

Ati “Ni ibintu byari bikenewe, Pius ndamwizeye azabikora neza kandi biteze imbere umukobwa wanjye kimwe n’abandi bahanzi bo mu Rwanda. Ubu Babo afite imishinga myinshi kandi itari mu Rwanda gusa. Ndashaka ko aba umuhanzi ukomeye haba muri Africa ndetse no ku mugabane w’iburayi cyane hano mu Budage no mu Bubiligi.”

Uyu mukobwa aje asimbura Amalon uheruka gutandukana na 1K Entertainment mu minsi ishize.

Babo yamenyekanye mu ndirimbo Ich Liebe Dish yakoranye na Urban Boys

Indirimbo nshya ya Babo na The Ben

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO