Don Brighter wakoranye indirimbo na Social Mula avuga ko bahujwe na mushiki we

Umuhanzi wo mu gihugu cy’u Burundi Don Ntimpa ukoresha izina ry’ubuhanzi rya Don Brigther ukorera umuziki muri Leta Zunze Ubumwe z’Amerika muri Leta y’Arizona yakoranye indirimbo na Social Mula avuga bahujwe na mushiki we.

Uyu musore yavukiye mu ntara ya Kirundo atangira umuziki guhera mu mwaka 2017 yaduhishuriye icyatumye akorana indirimbo na Social Mula bise bise ’Profile’.

Yatangarije Genesisbizz ko kuva yatangira umuziki amaze gukorana na bamwe mu bahanzi bakomeye ba hano mu karere harimo ’Kidumu’ bakoranye indirimbo bise Abatovyi, akorana kandi na ’Hama Amber’ wo muri Tanzaniya bise Nionyeshe n’abandi bahanzi benshi bo mu gihugu cy’U Burundi. Kuri ubu akaba yatangiye no kwinjira ku isoko ry’Imyidagaduro mu Rwanda.

Abajijwe impamvu zatumye yumva yagana isoko ry’Umuziki nyarwanda. Yagize ati “Nahisemo gushaka umuhanzi nyarwanda dukorana kuko nasanze abanyarwanda dusangiye imigenzo n’ururimi ikindi kandi ni uko umuziki nyarwanda wateye imbere cyane hano mu karere dutuyemo ukaba ukomeje kuzamuka."

Avuga ko kugira ngo akorane na Social Mula byatewe na mushiki we uba mu Rwanda ndetse na Producer Iyzo bamubwiye ko ari umwe mu bahanzi bo mu Rwanda bakunzwe cyane.

Mu gusoza Don Brigther yagiriye inama abahanzi bose haba abo mu Rwanda cyangwa ab’ I Burundi ko bagomba gukorana umwete ndetse no kubaha ibyo bakora kuko ari ikintu gikomeye cyane mu buzima bwabo bwa muzika.

Don Brigther uretse kuba ari umuhanzi asanzwe ari umujyanama w’itsinda rya We love Muzik.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO