Donald Trump yahawe umukandara w’umukara muri taekwondo

Uwahoze ari perezida wa 45 wa Leta zunze ubumwe za Amerika, Donald Trump yahawe umukandara w’umukara wo ku rwego rwa Dani ya cyenda mukino njyarugamba wa taekwondo.

Uyu mukandara wa Dani ya cyenda ufatwa nk’ikiciro cyo ku rwego rwo hejuru rusumba ibindi mu mikino njyarugamba ya taekwondo.

Uyu mukandara w’umukara Trump yawushyikirijwe na Lee Dong-sup, uyobora ikigo kigisha teakwondo cya Kukkiwon.

Mu buzima busanzwe Donald Trump ntabwo yigeze yitabira imikino njyarugamba ndetse abahagarariye ikigo cya Kukkiwon cyamuhaye iri shimwe ry’uyu mukandara bavuga ko ibyo bakoze ntaho bihuriye na politike.

Nyuma yo kwakira uyu mukandara w’umukara, Donald Trump yatangaje ko azajya awambara muri kongere ya leta zunze ubumwe za Amerika naramuka yongeye gutorerwa kuba umukuru w’igihugu mu matora ateganyijwe mu mwaka wa 2024.

Nyuma yo kwakira uyu mukandara w’umukara, Ubu Donald Trump ari ku rwego rumwe na Vladmir Putin, Uyu akaba ari perezida w’Uburusiya nawe akaba afite Dani ya cyenda mu mikino njyarugamba aho we uyu mukandara yawuhawe mu mwaka wa 2013.


Donald Trump na Vladmir Putin bose bari ku rwego rumwe muri taekwondo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO