Dore Nyirabayazana yitandukana rya Safi na The Mane

Intandaro y’amahari ari hagati ya Safi Madiba na label yahozemo ya The Mane ni itsinda rya Urban Boys yavuyemo ahunze rikanga rikamukurikirana.

Kuri iki cyumweru tariki 19 Mutarama 2020, nibwo habaye inama ihuza itangazamakuru na The Mane label, aho basobanuraga iby’abahanzi bayivuyemo barimo Safi Madiba na Jay Polly.

Iyi nama yateguwe n’inzu itunganya umuziki ya The Mane label yagombaga kubahuza n’abanyamakuru , yatangiye icyerewe cyane ku masaha yari yagenwe.

Iyi nama yagombaga gutangira ku isaha y’i saa tanu z’amanywa, iza gukererwaho isaha imwe n’igice yose.

ku isaha ya 12:35 umuvugizi wa The Mane label yatangiye yisegura kubwo gukererwa ku inama, hifuzwa kuba babanza gusoanura ku bijyanye n’uko amasezerano y’abahanzi bavuye muri iyi label uko yari ameze.

ku isaha ya 12:37 Mupenda Ramadhan yatangiye ashimira itangazamakuru bakorana umunsi ku wundi, avuga ko ibyabaye muri iyi label atari ihangana, bityo akaba abona ari ibintu bisanzwe.
Ngo ubucuruzi bw’umuziki bakora ntibwabemerera guceceka ku byabaye
Bad Rama yakomeje avuga ko business bakora itabemerera guceceka ku byabaye kuko n’ubusanzwe ibiba byose bigaragara mu itangazamakuru cyane ko bari bitwaje n’amasezerano yabagengaga.

Safi Madiba na Jay Polly bari bagifitanye amasezerano na The Mane y’imyaka itatu, bishatse kuvuga ko bakiri abakozi ba The Mane mu mategeko nk’uko Bad Rama yabisobanuye.

Bad Rama yavuze ko Safi yarafite amakosa menshi yagiye akora mu gihe cy’imyaka ibiri yaramaze muri The Mane, birimo n’ikompanyi ya Nukuri yakoreshaga ayibangikanyije na The Mane.

Mu masezerano bagiranye n’aba bahanzi bivanye muri label hari harimo ingingo ivuga ko bagomba gukorera umuhanzi indirimbo 6 mu mwaka ndetse ebyiri muri zo zikaba mpuzamahanga.

Hari n’indi ngingo iri mu masezerano bari baragiranye, yavugaga ko mu gihe umuhanzi atanyuzwe n’ibyo ahabwa yagombaga kwandika akavamo ntacyo akuyemo, aha hakabarirwamo n’ibihangano aba yarahakoreye.

Umuyobozi wa The Mane label Bad Rama asobanura imikorere ye na Safi Madiba, avuga ko bahereye kubyo Safi yarafite ndetse nibyo yarasanze muri Label ya The Mane, haba ku ndirimbo bahereyeho Safi yakoranye na Rayvanny ku bijyanye n’ibikorwa mpuzamahanga.

Ibi byibanzweho bitewe n’uko benshi mu bahanzi bavuye muriyi label Safi na Jay Polly, bakunze kuvuga ko amasezerano bari baragiranye n’iyi label atubahirijwe, nyamara byinshi muri byo byarashyizwe mu ikorwa.
Aha Bad Rama yarari gusobanurira itangazamakuru iby’ingingo zikubiye mu masezerano bari bafitanye

N’iki Safi Madiba agomba The Mane? ubundi se bo bamugomba iki?

Mu masezerano The Mane yagiranye na Safi Madiba, hari ingingo yaririmo ivuga ko mu gihe habayeho kwangiza akazi, hakozwe ibitaramo bitamenyesheje label, umuhanzi agomba guhita yishyura ayo yakuyemo yose akayaha label.

Mu zindi ngingo zikubiye muri ayo masezerano basomeye itangazamakuru, hari ivuga ko mu gihe binaniranye kubyumvikanaho umuhanzi agomba kwishyura ibyamutanzweho byose hakaniyongeraho n’inyungu ya 18 ku ijana.

Bad Rama yavuze ko ikigiye gukurikiraho ari ukurega mu nkiko aba bahanzi bishe amasezerano yabagengaga, cyane ko Safi Madiba yarasigaje umwaka muri iyi label, bivuze ko akiri umukozi wa The Mane.

Bibaye ngombwa, ninde Bad Rama yahitamo ko agaruka muri The Mane hagati ya Safi na Jay Polly?

Bad Rama avuga ko bibaye ngombwa ko atanga imbabazi, cyangwa hakaba amahitamo y’uko umwe muri bo agarukahagati ya Safi cyangwa se Jay Polly byibuze Safi Madiba y’aba afite 50% n’aho Jay Polly y’abari kuri 35%.

Imbarutso nyamukuru yatumye Safi Madiba na The Mane batandukana, Bad Rama yasobanuye ko ari umushinga w’ibitaramo The Mane yashakaga gukorana na Urban Boys umwaka ushize wa 2019.

Bad Rama avuga ko yabibwiye Safi ariko undi ntiyamuhakanira, biza kurangira amuhakaniye ku munota wa nyuma.

Bahindukiye bagaruka kuri Jay Polly waranzwe n’ingeso mbi akigera muri The Mane label, aho yakoraga ibitaramo bya macye kandi nabyo akabikora atamenyesheje label ye.

Ibi byagaragajwe n’impapuro z’amamaza ibitaramo Jay Polly yagiye akora, nyamara ugasanga biri hasi cyane ugereranyije n’izina asanzwe afite, ibi bigafatwa nko gutesha label agaciro.
Ibi ni ibitaramo byishyuza macye Jay Polly yitabiraga atamenyesheje The Mane Label
Abanyamakuru bari bitabiriye ku bwinshi
Abanyamakuru babazaga ibibazo binyuranye

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO