Dore amagambo 10 y’ubwenge yavuzwe n’umwami w’abami Napoleon Bonaparte

Napoleon Bonaparte yabonye izuba kuwa 15 Kanama 1769 maze yitaba Imana kuwa 5 Gicurasi 1821. Uyu mugabo yabaye umwami w’abami w’Ubufaransa ndetse afatwa nk’icyogere Iburayi hose ndetse no hirya no hino mu mpande z’isi.

Uyu mugabo yamenyekanye cyane mu mpinduramatwara y’Ubufaransa ndetse agaragaza ubushongore n’ubukaka bwe mu ntambara zo muri iyo mpinduramatwara bizwi nka "Revolutionary war" mu ndimi z’amahanga.

Uyu mugabo yabaye bwa mbere umwami w’abami w’Ubufaransa hagati y’umwaka wa 1804 na 1814.

Reka turebere hamwe amagambo y’ubwenge yavuzwe na Bwana Napoleon Bonaparte

1.Ntuzigere ubangamira cyangwa ngo uvangire umwanzi wawe mu gihe arimo gukora amakosa.

2.Umuhate ntago ari ukugira imbaraga zo gukomeza gukora ikintu runaka ahubwo umuhate ni ukugira ubushobozi bwo gukomeza gukora ikintu kandi udafite imbaraga.

3.Amateka ni ugukomatanya no guhuriza hamwe ibinyoma byumvikanyweho n’abanyabwenge.

4.Niba ushaka ikintu gikozwe neza kandi giciye mu mucyo iga gukora ibintu ku giti cyawe.

5.Ntakintu nakimwe gikomeye kurusha kubasha gufata icyemezo ku kintu runaka

5.Amateka ahimbwa ndetse akanandikwa n’abageze ku ntsinzi.

6.Ijambo "ntibishoboka" iteka ni ijambo uzasanga mu nkoranyamagambo y’abantu badafite ubwenge.

7.Isi yuzuyemo imibabaro, Si ukubera urugomo rw’abantu babi , Ahubwo ni ukwirengagiza kw’abafite ubushobozi

8.Abantu icumi bavuga bagira urusaku ruruta abantu ibihumbi icumi bacecetse.

9.Impamvu abantu benshi batsindwa mu kigwi cyo gutsinda ni uko bagurisha ibyo bakenera igihe kirekire bakavanamo ibyo bakenera mu kanya nkako guhumbya.

10.Mu isi hari imbaraga nyinshi gusa izo njyewe nzi ni inkota n’ubwonko gusa mbabwije ukuri iteka inkota itsindwa n’ubwonko.

Genesisbizz

Related Articles

Ibitekerezo

  • - cyiza jules cedrick

    mubyukuri twishimie ibiganiro mutugezaho

Igitekerezo cyawe kirashyirwaho aruko gisusumwe

TANGA IGITEKEREZO