Dore amakuru y’imikino agezweho avugwa mu igura n’igurishwa ry’abakinnyi ku mugabane w’Uburayi

Amakuru ajyanye n’igura n’igurishwa ry’abakinnyi ku mugabane w’Uburayi ni menshi cyane aho kuri ubu amakipe amwe n’amwe akomeje kongerera abakinnyi amasezerano andi akaba akomeje gahunda yo kwiyubaka.

Ikinyamakuru Daily Express kimaze gutangaza ko ikipe ya Newcastle United yamaze kwinjira mu rugamba rwo gushakisha umukinnyi Victor Osimhen aho uyu mukinnyi amaze iminsi ashakishwa cyane n’amakipe arimo Manchester United, Tottenham ndetse n’ikipe ya Arsenal.

Ikipe ya Newcastle united kandi yamaze gushyira ku rutonde rwayo umunyezamu wa Arsenal Bernard Leo, ndetse iyi kipe ikomeje kugaragaza ubushake bwo kuba yasinyisha umukinnyi Lloyd Kelly aho yamaze kuba itanga miliyoni 12 z’amapawundi kuri uyu mukinnyi.

Andi makuru kandi avugwa muri iyi kipe ni uko abakinnyi bayo barimo Kieran Trippier hamwe na Callum Wilson bitegura kugaruka mu kibuga mu ntangiriro z’ukwezi gutaha.

Ikinyamakuru Dail Mail cyamaze gutangaza ko ikipe ya AC Milan yifuza bikomeye rutahizamu ukomoka mu gihugu cya Urguay ukinira ikipe ya Manchester United ariwe Edinson Cavan dore ko bifuza ko yajya gusimbura umunya Chili Alexis Sanchez.

Ikipe ya Leicester City yamaze kujya mu mubare w’amakipe akomeje kwifuza umukinnyi wa Red Bull Salzburg ariwe Chukuwbuike Adam.

Uwahoze ari umukinnyi ukomeye mu ikipe ya Manchester United Ruud Van Nesterlrooy biravugwa ko agomba kuba umutoza w’ikipe ya PSV mu minsi ya vuba.

Ikinyamakuru Daily Mirror kimaze gutangaza ko ikipe ya Manchester united irimo gushakisha bikomeye rutahizamu w’ikipe ya Everton ariwe Richarlison.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO