Dore amwe mu mayeri Ukraine iri gukoresha mu ntambara ihanganyemo n’Uburusiya ikisubiza ibice byayo

Ubu intambara Ukraine ihanganyemo n’Uburusiya iri kwifashisha ubuvumbuzi bushya n’amayeri yo guhashya umwanzi bakoresheje intwaro nke zishoboka.

Igisirikare cya Ukraine mu ntambara hari kwifashishwa amayeri nka ya filime ‘MacGyver’ yo mu myaka ya 1980 aho umwe muri maneko zikomeye atsinda abanzi be akoresheje ibikoresho bike bimuri hafi n’amayeri menshi amufasha gukomeza kurokoka.

Bimwe muri ibi bikoresho harimo intwaro igisirikare cya Ukraine ubwacyo cyatangiye kurema nyuma y’uko cyatunzwe n’inkunga za Leta zunze ubumwe za Amerika kuva muri Gashyantare 2022.

Bumwe mu buvumbuzi izi ngabo zakoze ni nko gukoresha ibisasu byo mu bwoko bwa misile bazirika ku bikamyo no ku mato, mu masegonda make imodoka cyangwa ubwato busanzwe bugahita buhinduka ubw’intambara.

Ubundi buvumbuzi igisirikare cya Ukraine cyakoze, ni ukubaka ubwirinzi burwanya amato y’intambara ku modoka z’ibikamyo, bityo bakabasha kubugendana ahantu hose, ibi byabafashije kurwanya amato menshi y’intambara y’Uburusiya.

Izindi ntwaro ziganjemo indege zitagira abaderevu zubakanywe ikoranabuhanga kuburyo bigoye ko igisirikare cy’Uburusiya cyazibona bityo zikaba zabagaho ibitero bataziciye iryera.

Andi mayeri ni gutera umwanzi wabo bamuturutse inyuma kongeraho n’abasirikare bakorera mu bwihisho barimo za maneko ziyoberanyije mu baturage zishobora guca urwaho umwanzi zikamwivugana.

N’ubwo perezida wa Ukraine Volodymir Zelensky yakunze kumvikana kenshi avuga ko yabashije kwisubiza uduce twinshi tw’igihugu adukuye mu maboko y’Uburusiya, burya si igihugu cy’agafu k’imvugwarimwe.

Uburusiya nicyo gihugu cya mbere ku isi gikungahaye ku bitwaro kirimbuzi by’ubumara bwa nikeleyeri aho gitunze ibisaga 6,257, ibi byumvikana ko ari igihugu gifite ijambo rikomeye kandi intambara cyashoza yagira ingaruka zikomeye ku isi.

Uko ibihugu bitunze ibitwaro kirimbuzi bikurikirana
1.UBURUSIYA: Ibitwaro kirimbuzi by’ubumara bwa Nikeleyeri 6,257
2.LETA ZUNZE UBUMWE ZA AMERIKA: Ibitwaro kirimbuzi by’ubumara bwa Nikeleyeri 5,550
3.UBUSHINWA: Ibitwaro kirimbuzi by’ubumara bwa Nikeleyeri 350
4.UBUFARANSA: Ibitwaro kirimbuzi by’ubumara bwa Nikeleyeri 290
5.UBWONGEREZA: Ibitwaro kirimbuzi by’ubumara bwa Nikeleyeri 225

6.PAKISTAN: Ibitwaro kirimbuzi by’ubumara bwa Nikeleyeri 165
7.UBUHINDE: Ibitwaro kirimbuzi by’ubumara bwa Nikeleyeri 156
8.ISIRAHELI: Ibitwaro kirimbuzi by’ubumara bwa Nikeleyeri 90
9.KOREYA YA RUGURU: Ibitwaro kirimbuzi by’ubumara bwa Nikeleyeri 50

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO