Dore ibibazo uzajya wibaza wowe ubwawe bigatuma urema ahazaza heza

Ni kenshi ujya wibaza ku iterambere ry’ahazaza hawe, ukibaza icyo wakora kugirango ugere ku iterambere wifuza. Muri iyi nkuru turagaruka ku bibazo bitanu ushobora kwibaza bikagufasha kugera ku iterambere urota kugeraho.

Birashoboka ko hari byinshi biba mu buzima bwawe ukumva siko wabigennye ndetse ni kenshi unanirwa gusinzira ushaka impinduka mu buzima bwawe, ariko nanone ibiguca intege ni byinshi bikakubera imbogamizi.

Ikibabaje usanga wifuza kugira intambwe utera gusa nanone ahari utekereza ko abantu bakwanga cyangwa abantu bagutereranye gusa menya neza ko byose biri mu biganza byawe bityo dore mbere yo kwikoma abantu ibibazo wowe ukwiye kwibaza bikagufasha gutera intambwe ijya imbere.

Muby’ukuri muri iyi si nta muntu numwe utagira imishinga cyangwa ibitekerezo byose biganisha aheza gusa nanone ibyo abantu batekereza ni gake bashobora kubishyira mu ngiro bitewe n’impamvu zitandukanye zaba izibaturutseho cyangwa izitabaturutseho.

Mbere yo kugira ibyo upanga gushyira mu ngiro reka tugaruke ku bibazo umuntu akwiye kujya yibaza bikamufasha kugena ubuzima bwe bufite icyerekezo kigana iterambere rirambye.

1.Ni iki kinshishikaza kurusha ibindi?

Kuri iyi ngingo niho ugomba kwicara wowe ubwawe ukibaza ikintu wowe wumva ubuzima bwawe buhora bukwishyuza ndetse bukagusaba kurwanirira umunsi ku wundi.

Ibi bizakurinda kuvangavanga imishinga inyuranye ahubwo uzasobanukirwa ikintu gifatika ushobora gushyira imbere bityo ukarwanirira ejo heza hawe.

2.Ese mbaho ubuzima bujyanye nibyo nifuza?

Niba wumva wemeranya n’umutima wawe ko ubayeho ubuzima buhuje n’imigambi yawe ibyo ni amahoro masa gusa nanone niba atari ko bimeze bizagufasha gukomeza kurwanirira kubaho ubuzima wifuza.

Ibi bizagutera inyota yo guhirimbanira icyo ushaka, iyi ngingo niyo izakubwira niba koko ubuzima ubayemo unyuzwe niba atari ko bimeze rero bizatuma umutimanama wawe uguha ukuri gusesuye bitume umenya icyo wifuza.

3.Ni ibiki binteye ubwoba mu buzima bwanjye

Iyi ngingo izatuma usubiza amaso inyuma ku makosa wakoze ahahise bityo wige neza uburyo warwanyamo intsinzwi mu buzima bwawe ndetse aha bizatuma ushyira ku murongo ibitagenda neza byose ufata nk’inzitizi zatewe n’amakosa wakoze bitume ubasha kugena uburyo bushya bwo gutsinda ibibazo.

4.Ese ni gute nakwiyitaho ku giti cyanjye

Ubuzima bwiza nibwo butunzi bukomeye buruta ibindi ufite ndetse kwiyitaho ukumva ko uryohewe n’ubuzima bwawe bizana ikintu gikomeye mu mibereho yawe ibi bigatuma n’ikizere cyibyo ukora hamwe n’intego zose wiyemeje birushaho kugenda neza bityo ugakomeza kwishimira ubuzima bwawe.

5.Ese naba mfite abantu ba nyabo hafi yanjye

Ubusanzwe umuntu wese akwiye kugira inshuti zimugaragiye kandi za nyazo ziri hagati ya 5 kugeza 10 gusa nanone menya ko gusobanukirwa inshuti zawe ari ikintu gikomeye mu buzima bwawe.

Birashoboka ko inshuti nziza yagufasha kwesa imihigo ariko nanone ibuka ko usenya urwe umutiza umuhoro, itegereze mu nshuti zawe niba inyinshi atari izifuza kugutiza umuhoro ngo usenye ibyo urimo kubaka.

Gusa nubasha gutahura neza inshuti za nyazo ufite uzanamenya icyo zisobanuye kuri wowe no ku iterambere ryawe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO