Dore ibintu bitanu ugomba kuba wujuje byagufasha kubona umukunzi w’ukuri

Ni byiza mbere yo gushaka umwunganizi w’ubuzima bwawe wifuza ko mwazabana iteka kubanza ukimenya wowe ubwawe, urukundo rw’ubuzima bwawe cyangwa umwunganizi ni ikintu gikomeye cyane byaba bigushishikaje cyangwa bitagushishikaje.

Abenshi muri twebwe bahangayikishijwe no gushaka abakunzi bazabahora iruhande mu bibi no mu byiza ndetse uwo muntu akaba agomba kukuba hafi akagutega amatwi mubyo ucamo byose ndetse akakubera inkingi wegamira, gusa bamwe bareba filimi bakazihuza n’ubuzima bwabo.

Gushaka no kubona umuntu uzakuba hafi mu buzima ndetse ukizera ko ari uwanyawe ni ibintu bikomeye Kandi bisaba imbaraga n’ubushishozi buhambaye.

Nonese wowe wifuza uyu muntu ni ibiki ugomba kuba wujuje bityo bikagufasha ko uzabona uwakuremewe muhuza.

Dore ibintu 5 bizagufasha bityo nawe ugahura n’uwakuremewe.

1. Ugomba kuba uri umunyakuri

Niba ushaka umukunzi ugukwiriye ugomba kugira ukuri kuburyo ibyo uvuga bisa nibyo ukora ibi bizagufasha kubona umuntu ukugana ndetse nawe aze afite indangagaciro nk’izawe kuko uzaba umubera intangarugero.

Gusa mbere ya byose banza wimenye neza ubanze wikunde maze wige gukora no kuvuga ibintu biciye mu kuri.

Haranira kuba umunyakuri
2. Banza ubwawe ube mwiza ku giti cyawe

Banza wige gusukura ibitagenda neza kuri wowe maze ubashe kumurikira abandi.

Wikwitotomba ahubwo iga kumenyana no kubana n’abantu bakubwira ibyiza n’ibibi byawe badaciye kuruhande.

Mu kigwi cyo kugendana n’abakubwira ngo ni mujye mu nzu zikorerwamo siporo (gym) ibi ugomba kubikurikiza niba ushaka kuzahorana iteka n’umuntu uzakuzanira urukundo, amahoro ndetse n’umunezero.

Hora iteka wumva ko ushoboye kandi uri mwiza
3. Iyizere wowe ubwawe

Ugomba kwizerera muri wowe, mu byo ukora ,ndetse no mu byemezo ufata
ndetse ukanizerera mu bushobozi ufite bwo gushaka ugukwiriye, niba rero ari gutya umeze menya ko uri mu nzira yakugeza kuwo wifuza wakugenewe.

Iteka horana icyizere
4. Funguka ube umuntu wirekura

Niba wifuza guhura n’umuntu mushya kandi w’ukuri banza wige kubasha kwirekura bityo abantu bagukikije bumve ibitekerezo byawe .

Niba aho urimo gufatira ikawa hari umuntu uzanye igitekerezo runaka nawe irekure ugire inyunganizi utanga kabone naho uwo muntu mwaba mutaziranye bigiye kure.

Teza imbere impano yawe ufunguke ibi bizatuma uhura nuwo muhuza muri mu murongo umwe w’ubuzima.

Haranira iteka gusabana no kugira urugwiro

5. Haranira kugira ibyishimo

Iki ni ikintu cy’ingenzi muri ibi byose kuko aho umuntu wese ava akagera nta muntu utakwifuza kubana n’umuntu ufite ibyishimo.

Ibyishimo ni rukuruzi rero imbaraga zawe zishyire mu gushaka uburyo wahorana ibyishimo ndetse ushake n’ibyo wakora bigatuma ugira ibyishimo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO