Dore ibivugwa ku mukino karundura ugomba guhuza Misiri na Senegal aho Mohamed Sarah araba ahanganye na Sadio Mane

Uyu mukino ugomba kubera mu gihugu cya Senegal aho ikipe ya Misiri igomba kuba irinda igitego cyayo yatsinze mu mukino ubanza dore ko i Cairo mu murwa mukuru bahatsindiye igitego 1-0 bigasa no kwihimura kuri Senegal.

Aya makipe yombi agiye guhura mu mukino wo kwishyura dore ko mu mukino ubanza wabereye i Cairo ikipe y’igihugu ya Misiri yaje kuba ikora ibisa no kwihimura ku ikipe y’igihugu ya Senegal yaje kuyitwara igikombe cya Afurika.

Senegal yatwaye igikombe cya Afurika itsinze Misiri kuri za penaliti, gusa muri iri joro ku isaha ya saa moya ku isaha z’I Kigali imiriro iraba yaka mu gihugu cya Senegal mu mukino karundura wo kwishyura mu gushaka ugomba guhagararira Afurika mu gikombe cy’Isi kigomba kubera muri Qatar.

Aho uyu mukino ukomereye ni uko amakipe yombi yifuza kujya mu gikombe cy’isi kandi hagomba kugenda ikipe imwe gusa muri izi kipe ndetse ibasha gusezerera indi niyo izajyayo ndetse Sadio Mane imbere y’abafana mu rugo agomba kuba ahanganye na mugenzi we Mohamed Sarah bombi bakinana mu ikipe ya Liverpool mu gihugu cy’Ubwongereza.

Kuri ubu ikipe y’igihugu ya Senegal niyo iyoboye izindi kipe ku rutonde ngaruka kwezi rwa FIFA rugaragaza uko amakipe ahagaze gusa umutoza w’ikipe y’igihugu ya Misiri yamaze gutangaza ko badatewe ubwoba na Senegal ndetse ngo bagomba no kuyisubira bakayitsindira no murugo kuko bemeza ko badashobora kuza gukangwa n’urusaku rw’abafana bagomba kuza buzuye stade baje kubatera ubwoba.

Uyu mukino ugomba gusiga hagati ya Sadio Mane na Mohamed Sarah umwe abuze amahirwe yo kujya mu gikombe cy’isi kigomba kubera muri Qatar.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO