Dore ibyamamare bikomeye birwaye indwara yo kubura ibitotsi

Kubura ibitotsi ni indwara mbi ndetse ishobora guterwa n’ibintu bitandukanye. Abantu benshi bavuga ko Babura ibitotsi nk’igihe bafite ibibahangayikishije. Iyi niyo mpamvu usanga benshi batiyumvisha ko n’ibyamamare bikomeye bishobora kubura ibitotsi kuko ntacyo baba babuze yaba ubutunzi n’ubwamamare. Gusa nyamara ibi ntibihagije nabo hari bamwe babura ibitotsi.

Kubura ibitotsi bisobanurwa nk’igihe utabasha gusinzira igihe ubikeneye cyangwa se ugafatwa n’ibitotsi igihe utabikeneye, Muri make haba hari imyivumbagatanyo n’akajagari mu buryo usinziramo.

Dukurije ubushakashatsi bwakozwe na Sleep Foundation, busobanura ko kubura ibitotsi bishobora guterwa n’ibintu bitandukanye nk’umujagararo wo mu mutwe, guhindagura amasaha yo kuryama, kuryama amasaha adahagije, uburwayi bwo mu mutwe, agahinda gakabije cyangwa ubundi burwayi bushobora kukubuza gusinzira.

Biragoye gutekereza ko bamwe mu bantu bakomeye tuzi bashobora kuba baryama bakabura ibitotsi kandi ari abatunzi cyangwa ibyamamare bikomeye aho benshi bifuza kubaho ubuzima nk’ubwabo.

1. Kendall Jenner
Kendall Nicole Jenner ni Umunyamerikakazi uzwi cyane mu ruganda rw’imyidagaduro ku rwego rw’isi, Ni umunyamidelikazi, akaba azwi cyane no mu ruganda rw’itangazamakuru akaba yaramenyekanye mu kiganiro Keeping Up With The Kardashians.

Uyu mugore w’imyaka 26 abana n’uburwayi bwo kubura ibitotsi bwita sleep paralysis. Ubu burwayi butuma umuntu abyuka ariko ntabashe kunyeganyeza igice na kimwe cy’umubiri we.

2. Shaquille O’Neal
Shaquille Rashaun O’Neal ni umwe mu byamamare byakanyujijeho mu mukino wa Basketball. Uyu nawe ni umwe mu bagorwa no kubona ibitotsi.

Uyu mugabo w’imyaka 49 arwaye indwara yitwa obstructive sleep apnea (OSA), Iyi ndwara ituma uyirwaye ahera umwuka igihe asinziriye bigatuma yicura buri kanya.

3. Madonna
Madonna Louise Ciccone ni umuririmbyikazi w’Umunyamerika. Uyu nawe ni umwe mu byamamare bigorwa cyane no kubona ibitotsi.

Uyu mugore w’imyaka 63 mu kiganiro na The Rolling Stone yigeze gutangaza ko kubona ibitotsi bitamworohera. Yagize ati “ Iyo nsinziriye amasaha atandatu, Ubwo mba nshobora kuvuga ko naryamye, biba birangiye.”

4. Jimmy Kimmel
James Christian Kimmel ni umwe mu bakunzwe cyane mu biganiro bya televiziyo, akaba ari umunyarwenya akaba n’umwanditsi w’ibitabo.

Uyu mugabo w’imyaka 54 nawe ni umwe mu byamamare bigorwa no gutora agatotsi.

Uyu mugabo arwaye indwara yitwa narcolepsy, iyi ndwara umuntu uyirwaye ashobora gufatwa n’ibitotsi by’ako kanya agahita asinzira.

Benshi mu barwaye iyi ndwara usanga hari ibintu byinshi babuzwa nko gutwara imodoka kuko bashobora gusinzira bagateza impanuka.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO