Dore ibyiza byo kunywa icyayi cya mukaru harimo no kukurinda diyabete na kanseri

Icyayi ni ikinyobwa cya kabiri kinyobwa cyane kurusha ibindi ku isi nyuma y’amazi, gusa igishishikaje kuri iki cyayi cya mukaru ni uko gishobora gutegurwa hifashishijwe ibimera bitandukanye byose bikaba byarushaho gutuma kigira akamaro gakomeye kuri benshi harimo no kukurinda uburwayi butandukanye nka diyabete.

Icyayi cya mukaru cyangwa se icyo bakunze kwita icyayi cy’umukara gikunze gukoreshwa cyane ku ifunguro rya mu gitondo cyane cyane mu gihugu cy’Ubwongereza.

Muri iyi nkuru tugiye kugaruka ku byiza byo kunywa icyayi cya mukaru ku buzima bwacu.

1. Icyayi cya mukaru gishobora kugufasha kwirinda indwara ya kanseri

Ubushakashatsi buherutse gukorwa n’ikigo gishinzwe kurwanya kanseri bwagaragaje ko kunywa icyayi cya mukaru bishobora gufasha umuntu kugira ibyago bike byo kurwara iyi ndwara ya kanseri zitandukanye, haba ishobora gufata uruhu, ibihaha cyangwa porositate.

2.Icyayi cya mukaru ni cyiza cyane ku ruhu n’umusatsi

Iki cyayi cyifitemo ibinyabutabire bifite ubushobozi bwo kwirukana uburozi mu mubiri bityo uruhu ndetse n’umusatsi birushaho kugira ubuziranenge iyo umubiri udafite ubu burozi ,ndetse mukaru irushaho gukomeza guhangana n’udukoko dushobora kwibasira uruhu.

3.Mukaru ifasha umutima kumererwa neza

Iki cyayi cyifitemo ikinyabutabire cya antioxidant yitwa’’flavonoids’’ndetse iki kinyabutabire gifite akamaro gahambaye mu gufasha umutima kugirango ukore neza ndetse ibi binafasha umuntu kwirinda izindi ndwara twavugamo nk’umuvuduko w’amaraso n’izindi nyinshi cyane.

4.Icyayi cya mukaru gifasha umuntu guhora ari maso

Iki cyayi kibamo ikinyabutabire cyitwa L-theanine, iki kinyabutabire gifasha umubiri w’umuntu guhorana imbaraga n’ubuyanja ku buryo umuntu adashobora kugira ibitotsi mu kazi cyangwa ngo agwe agacuho kandi ari ku murimo.

Iki kinyabutabire kandi kirushaho gufasha ubwonko bw’umuntu gutekereza neza kuburyo ubwonko bukomeza gukora neza kandi umuntu ntananirwe mu mitekerereze.

5.Icyayi cya mukaru kigabanya ibyago byo kurwara diyabete

Ubushakashatsi bwakorewe ku mugabane wa Aziya bwagaragaje ko gufata iki cyayi bishobora kugabanya ibyago umuntu ashobora guhura nabyo arwara indwara ya diyabete.

Muri ubu bushakashatsi bwakozwe aho bafashe abantu babiri barwaye diyabete zitandukanye maze babaha icyayi cya mukaru mu gihe cy’ibyumweru bine maze nyuma bongeye kubapima basanga diyabete yabo yagabanyije uburemere.

Niba rero utakundaga kunywa iki cyayi gerageza ugifate kuko ni ingenzi cyane ku buzima bwawe dore ko bizanakugabanyiriza ibyago byo kwibasirwa n’indwara zavuzwe hejuru ndetse binatume ugira ubuzima bwiza ndetse n’imitekerereze yawe izamuke.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO