Kuki ingagi zikunda kwikomanga mu gituza - Menya impamvu

Niba warabonye ingagi yaba amaso ku maso cyangwa muri filime zitandukanye, kimwe mu bintu ushobora kuba warabonye zikora cyane ni ukwikomanga mu gituza.

Wari uzi ko iyo ingagi yikomanga mu gituza iba ishaka kwerekana ibintu byinshi birenze uko tubona iba yikomanga mu gituza cyayo gusa ?


Ingagi zikunda kwikomanga mu gituza.

Ushobora kuba waribajije impamvu ingagi zikunda kwikomanga mu gituza nyuma yo kuzibona muri filime n’amafoto menshi, aho zikunze kugaragara zikomanga mu gituza.
Muri iyi nkuru turarebera hamwe impamvu abashakashatsi batanze zigaragaza impamvu zituma ingagi zikunda kwikomanga mu gituza ndetse turarebera hamwe n’ubusobanuro bwabyo.


Ingagi ni inyamanswa zibarizwa mu ndyabyatsi.

Kwikomanga mu gituza kw’ingagi, benshi bizerako zibikora kugirango zitere ubwoba izindi nyamanswa.

Gusa ubushakashatsi buheruka, bwagaragaje izindi mpamvu zitandukanye nizo benshi batekereza.

Abashakashatsi bo mu gihugu cy’Ubudage bamaze igihe biga ku ngagi z’ingabo, ubu bushakashatsi babukoze ku ngagi 25 z’ingabo, Ibyavuye muri ubu bushakashatsi byerekanyeko iyo ingagi ikomanze mu gituza, biriya ikora biba ari uburyo bwo guhanahana amakuru no gutumanaho hagati yazo.

Mu makuru zitanga igihe zikomanga mu gituza, haba harimo ingano yazo, ubushobozi zifite n’ibindi bitandukanye.

Nanone iyo ingagi ikomanga mu gituza ibikora ishaka kumenyesha izindi ngagi z’ingabo ubushobozi n’ubunini bwayo ifite, kugirango hatagira iyinjira mu matware yayo, muri make ni nko kuziburira izimenyesha ko ingagi yose iri bwinjire mu matware yayo, igomba kumenya neza ubushobozi, imbaraga n’ubunini bwayo ndetse ikirengera ingaruka ishobora guhura nazo igihe isagariye amatware y’iyo ngagi.


Ingagi zishobora kurwana hagati yazo.

Nanone uku kwikomanga mu gituza kw’ingagi, bituma zikurura ingagi z’igitsinagore, kuko iteka ryose abagore bifuza kuba ahantu hari umutekano usesuye, rero ingagi z’ingore zikunda ingagi z‘igitsinagabo zifite ibigango n’ubunini kuburyo zizabasha gucungira umutekano umuryango wazo n’abagore bazo muri rusange, iyi niyo mpamvu no mu buzima busanzwe abagore bakunda umugabo ufite imitsi, imikaya n’ibigango binini, kurusha ufite bito, kuko ugaragaraho ubunini, abagore batekereza ko yabasha kurinda umutekano w’abanyamuryango muri rusange.


Abagore bakunda abagabo bafite ibigango binini.

Genesisbizz

Related Articles

Ibitekerezo

  • - Kwizera innocent kaicy

    Cyakoze mbashije gusobanukirwa byinshi kuriyi nyamanswa kweli nukuri mbashimiye umwanya muba mwafashe mukatugezaho ibintu byubwenge nkibi Ndabakunda cyane

  • - Kwizera innocent kaicy

    Cyakoze mbashije gusobanukirwa byinshi kuriyi nyamanswa kweli nukuri mbashimiye umwanya muba mwafashe mukatugezaho ibintu byubwenge nkibi Ndabakunda cyane

Igitekerezo cyawe kirashyirwaho aruko gisusumwe

TANGA IGITEKEREZO